Batys Qazaqstan oblysynda adam zorlady degen kúdikke ilingen sheneýnikke qatysty kútpegen derekter paida boldy, dep habarlaidy Dalanews.kz.
Buǵan deiin 16 jastaǵy qyzdyń ákesi aýdan deńgeiindegi iri sheneýnikti zorlyq jasady dep aiyptaǵan. Alaida BQO politsiia departamenti tergeý barysynda hat almasýlar men ózge de materialdar zerttelip, zorlyq faktileri anyqtalmaǵanyn habarlady.
Qyzdyń ózi men anasy da atalǵan er adamǵa eshqandai shaǵymy joq ekenin aityp, qarym-qatynas eki jaqtyń kelisimimen bolǵanyn málimdegen.
Kúdikti aýdan ákimdiginiń bólimderiniń birinde jumys istegen. Aryz túskennen keiin ol qyzmetinen bosatylǵan. Tergeý jalǵasyp jatyr, is politsiia departamenti basshylyǵynyń baqylaýynda.
Eske salaiyq,BQO-da sheneýnikke kámeletke tolmaǵan qyzdy zorlady degen aiyp taǵylǵan bolatyn.
Jábirlenýshiniń ákesiniń aitýynsha, 68 jastaǵy er adam qyzdy aldap, óz úiine shaqyryp, sol jerde zorlyq jasaǵan. Onyń sózinshe, kúdikti kinásin moiyndaǵan, soǵan qaramastan politsiia er adamdy bosatyp jibergen.
