Tengrinews.kz portalyna bergen ekskliýziv suhbatynda Olimpiada chempiony Mihail Shaidorov Olimpiada oiyndaryna daiyndyq qalai qarjylandyrylǵanyn, tolyqqandy jaǵdai qashan jasalǵanyn aitty, sonymen qatar, tabysy týraly jariialanǵan aqparatqa qatysty pikir bildirdi, dep habarlaidy Dalanews.kz.
Sportshynyń aitýynsha, daiyndyqtaǵy eleýli ózgerister tek Olimpiada maýsymynda bastalǵan. Buǵan deiin ol jalaqyny kóterý, bapkerlerge eńbekaqyny arttyrý jáne mamandardy shtatqa alý máselesin birneshe ret kótergen.
"Tórt qurlyq chempionatynan keiin direktsiiaǵa baryp, jalaqymdy kóterýdi suradym. Uzaq ýaqyt boiy ótinish bildirip júrdim. Qarajat mamandardyń qyzmetin tóleýge, baǵdarlamalar men kostiýmder alýǵa jetpeitin", - dedi ol.
Onyń sózinshe, qarjy - sportshy úshin tek damýǵa arnalǵan qural, al tolyqqandy jaǵdai tek Olimpiada maýsymynda jasalǵan. Sportshy men onyń bapkerlerine laiyqty jalaqy taǵaiyndalyp, "Halyq Arenada" muz aidyny berilgen. Sonymen qatar, alǵash ret baǵdarlamasy men kostiýmderiniń shyǵyny ótelip, dáriger qyzmeti qamtamasyz etilgen.
Degenmen Mihail Shaidorov eldegi mánerlep syrǵanaýǵa daiyndyq júiesi áli de jetildirýdi qajet etetinin aitty. Onyń sózinshe, keide jattyǵý kezinde arenada tehnikalyq jumystar júrgizilip, bógde adamdar muz aidynyna kirip ketken jaǵdailar bolǵan.
Sondai-aq, ol jalaqysy týraly aqparat jariia bolýyn orynsyz dep baǵalady. "Bul maǵan sportshy ári adam retinde qurmetsizdik siiaqty kórindi", - dedi chempion.
Ol alǵan barlyq qarajatty tek daiyndyqqa jumsaǵanyn atap ótti. Sonymen qatar, shyǵynnyń edáýir bóligin 15 jyl boiy ata-anasy men demeýshiler kótergenin aitty.
