Qazaqstanda ótetin Konstitýtsiia jónindegi referendýmǵa Resei Federatsiiasynyń ókilderi baiqaýshy retinde shaqyryldy, dep habarlaidy Dalanews.kz.
Komissiia tóraǵasynyń orynbasary Muhtar Erman reseilik áriptester tarapynan qyzyǵýshylyq bar ekenin aitty.
"Biz áriptesterimizge shaqyrý joldadyq. Ázirge resmi jaýap túsken joq, biraq qyzyǵýshylyq bar", – dedi ol.
Buǵan deiin Reseidiń Qazaqstandaǵy elshisi Aleksei Borodavkin Máskeý Qazaqstandaǵy konstitýtsiialyq ózgeristerdi qyzyǵýshylyqpen baqylap otyrǵanyn málimdegen. Onyń aitýynsha, Resei ádette respýblikada ótetin daýys berý rásimderine baiqaýshylar jiberip otyrady jáne aldaǵy referendým da bul turǵyda erekshelik bolmaýy tiis.
Al Qazaqstan Syrtqy ister ministrliginiń ókili, erekshe tapsyrmalar jónindegi elshi Erlan Álimbaev referendýmǵa baiqaýshy retinde EQYU missiiasy da shaqyrylǵanyn eske saldy. Alaida olardyń qatysýyna qatysty ázirge resmi sheshim qabyldanbaǵan.
Aita keteiik, Qazaqstanda jańa Konstitýtsiia boiynsha referendým 15 naýryzǵa belgilengen.
