Qazaqstannyń Aýyl sharýashylyǵy ministrligi keibir BAQ-ta taraǵan siyr etin eksporttaýǵa syrtqy naryqtar jabyldy degen aqparattyń shyndyqqa janaspaitynyn málimdedi, dep habarlaidy Dalanews.kz.
Ministrliktiń habarlaýynsha, syrtqy saýda salasynda shekteý engizý týraly sheshimder bir vedomstvonyń jeke ózi qabyldaityn másele emes.
"Qoldanystaǵy zańnamaǵa sáikes, mundai sheshimder birneshe memlekettik organ ókilderi kiretin vedomstvoaralyq komissiianyń quzyretine jatady. Onyń quramyna Saýda jáne integratsiia ministrligi, Básekelestikti qorǵaý jáne damytý agenttigi, sondai-aq «Atameken» ulttyq kásipkerler palatasy kiredi. Osylaisha, eksporttyq rejimderdi engizý nemese ózgertý týraly sheshimder barlyq jaǵdaidy jan-jaqty taldaý jáne komissiia músheleriniń usynystary negizinde alqaly túrde qabyldanady", - dedi ministr úkimette ótken brifingte.
Ministrlik qazirgi ýaqytta siyr etin eksporttaýǵa qatysty qandai da bir tyiym nemese shekteý engizý jóninde sheshim qabyldanbaǵanyn atap ótti.
