Úkimet sheteldik investitsiia tartý úshin paidalanǵan Kazakh Invest ulttyq kompaniiasy "Báiterek" ulttyq holdingine qosylady. Bul týral syrtqy ister ministri Muhtar Tileýberdi málimdedi, dep habarlaidy dalanews.kz.
Kazakh Invest kompaniiasy 2017 jyly Kaznex Invest ataýynan ózgertilgen. Uiym ózin investorlarǵa qyzmet kórsetetin "biryńǵai tereze" retinde tanystyrǵan.
Ministrdiń aitýynsha, qazir investitsiialyq saiasatqa Ulttyq ekonomika ministrligi jaýap beredi. Al sheteldik kompaniialardyń qatysýymen investitsiia tartý jáne jobalardy júzege asyrý mindeti Syrtqy ister ministrligine júktelgen.
"Qazir ózgerister engizýdi josparlap otyrmyz. Kazakh Invest ulttyq kompaniiasyn "Báiterek" holdingine qosamyz", – dedi ol.
Tileýberdi Kazakh Invest investorlarǵa qoldaý kórsetip, jobalardy iske asyrýǵa jaýap bergenimen, olarǵa birlesip investitsiia salý múmkindigi bolmaǵanyn atap ótti.
"Sondyqtan "Báiterek" Qazaqstandaǵy jobalardy júzege asyrýǵa jáne olarǵa birlesip investitsiia salýǵa jaýapty tetik ári institýt bolady dep sanaimyz", – dedi ministr.
