Qazaqstannyń úsh iri qalasynda – Almaty, Astana jáne Shymkentte qoqysty energetikalyq jolmen kádege jaratatyn zaýyttar salý josparlanyp otyr. Alaida mundai kásiporyndardyń qorshaǵan ortaǵa áseri qandai bolmaq? Bul suraqqa Ekologiia jáne tabiǵi resýrstar vitse-ministri Jomart Áliev jaýap berdi, dep habarlaidy dalanews.kz.
Ortalyq kommýnikatsiialar qyzmetinde ótken brifingte jýrnalister vitse-ministrden qoqys jaǵatyn zaýyttar qalalardaǵy ekologiialyq ahýaldy nasharlatpai ma dep surady.
Jomart Álievtiń aitýynsha, kásiporyndardyń jumysy basqa óndiristik nysandar siiaqty memlekettik baqylaýda bolady. Onyń sózinshe, jobada qoldanylatyn tehnologiialar shyǵaryndylar kólemi men sapasyna qatysty eýropalyq standarttarǵa sáikes keledi. Bul talaptar investorlarmen jasalǵan kelisimge bastapqy kezeńnen engizilgen.
«Bul – qoqysty jaǵý protsesi qorshaǵan ortaǵa ziian keltirmeýi úshin qoiylatyn negizgi talaptardyń biri. Zaýyttar barlyq eýropalyq standartqa sai jumys isteidi. Qazir qoldanylatyn tehnologiialardyń standarttary Eýropadaǵy talaptardan da qatań. Biz olardy eýropalyq jáne otandyq standarttarmen salystyrdyq. Barlyq kórsetkish boiynsha Qazaqstan zańnamasyna sáikes keledi», – dedi vitse-ministr.
Aita keteiik, úsh qaladaǵy zaýyttardyń qurylysyna qatysty qytailyq investorlarmen jalpy quny 293 milliard teńge bolatyn kelisim jasalǵan. Jobalardy iske asyrý jumystaryn biyl jyldyń sońyna deiin bastaý josparlanǵan.
Jobalyq qýattylyǵy boiynsha Almatydaǵy kásiporyn táýligine 2 myń tonna qaldyqty óńdei alady. Astanadaǵy zaýyttyń qýaty – 1 200 tonna, al Shymkentte táýligine 1 000 tonna qoqys óńdeý kózdelgen.
Osylaisha, úsh kásiporynnyń jalpy táýliktik qýattylyǵy 4 200 tonnaǵa jetedi.
Degenmen zaýyttardyń ekologiialyq qaýipsizdigi tek tehnologiialyq standarttarǵa ǵana emes, olardyń is júzindegi jumysyna, shyǵaryndylardy turaqty baqylaýǵa jáne súzgi júieleriniń tiimdiligine de bailanysty bolmaq.
