قازاقستاننىڭ ٷش ٸرٸ قالاسىندا – الماتى, استانا جەنە شىمكەنتتە قوقىستى ەنەرگەتيكالىق جولمەن كەدەگە جاراتاتىن زاۋىتتار سالۋ جوسپارلانىپ وتىر. الايدا مۇنداي كەسٸپورىنداردىڭ قورشاعان ورتاعا ەسەرٸ قانداي بولماق? بۇل سۇراققا ەكولوگييا جەنە تابيعي رەسۋرستار ۆيتسە-مينيسترٸ جومارت ەليەۆ جاۋاپ بەردٸ, دەپ حابارلايدى dalanews.kz.
ورتالىق كوممۋنيكاتسييالار قىزمەتٸندە ٶتكەن بريفينگتە جۋرناليستەر ۆيتسە-مينيستردەن قوقىس جاعاتىن زاۋىتتار قالالارداعى ەكولوگييالىق احۋالدى ناشارلاتپاي ما دەپ سۇرادى.
جومارت ەليەۆتٸڭ ايتۋىنشا, كەسٸپورىنداردىڭ جۇمىسى باسقا ٶندٸرٸستٸك نىساندار سيياقتى مەملەكەتتٸك باقىلاۋدا بولادى. ونىڭ سٶزٸنشە, جوبادا قولدانىلاتىن تەحنولوگييالار شىعارىندىلار كٶلەمٸ مەن ساپاسىنا قاتىستى ەۋروپالىق ستاندارتتارعا سەيكەس كەلەدٸ. بۇل تالاپتار ينۆەستورلارمەن جاسالعان كەلٸسٸمگە باستاپقى كەزەڭنەن ەنگٸزٸلگەن.
«بۇل – قوقىستى جاعۋ پروتسەسٸ قورشاعان ورتاعا زييان كەلتٸرمەۋٸ ٷشٸن قويىلاتىن نەگٸزگٸ تالاپتاردىڭ بٸرٸ. زاۋىتتار بارلىق ەۋروپالىق ستاندارتقا ساي جۇمىس ٸستەيدٸ. قازٸر قولدانىلاتىن تەحنولوگييالاردىڭ ستاندارتتارى ەۋروپاداعى تالاپتاردان دا قاتاڭ. بٸز ولاردى ەۋروپالىق جەنە وتاندىق ستاندارتتارمەن سالىستىردىق. بارلىق كٶرسەتكٸش بويىنشا قازاقستان زاڭناماسىنا سەيكەس كەلەدٸ», – دەدٸ ۆيتسە-مينيستر.
ايتا كەتەيٸك, ٷش قالاداعى زاۋىتتاردىڭ قۇرىلىسىنا قاتىستى قىتايلىق ينۆەستورلارمەن جالپى قۇنى 293 ميلليارد تەڭگە بولاتىن كەلٸسٸم جاسالعان. جوبالاردى ٸسكە اسىرۋ جۇمىستارىن بيىل جىلدىڭ سوڭىنا دەيٸن باستاۋ جوسپارلانعان.
جوبالىق قۋاتتىلىعى بويىنشا الماتىداعى كەسٸپورىن تەۋلٸگٸنە 2 مىڭ توننا قالدىقتى ٶڭدەي الادى. استاناداعى زاۋىتتىڭ قۋاتى – 1 200 توننا, ال شىمكەنتتە تەۋلٸگٸنە 1 000 توننا قوقىس ٶڭدەۋ كٶزدەلگەن.
وسىلايشا, ٷش كەسٸپورىننىڭ جالپى تەۋلٸكتٸك قۋاتتىلىعى 4 200 تونناعا جەتەدٸ.
دەگەنمەن زاۋىتتاردىڭ ەكولوگييالىق قاۋٸپسٸزدٸگٸ تەك تەحنولوگييالىق ستاندارتتارعا عانا ەمەس, ولاردىڭ ٸس جٷزٸندەگٸ جۇمىسىنا, شىعارىندىلاردى تۇراقتى باقىلاۋعا جەنە سٷزگٸ جٷيەلەرٸنٸڭ تيٸمدٸلٸگٸنە دە بايلانىستى بولماق.
