اقتاۋدا ەكٸ شاعىناۋداننىڭ تۇرعىندارى كوممۋنالدىق قىزمەتتەردٸڭ ۇزاق ۋاقىت بويى بولماۋىنا بايلانىستى نارازىلىق بٸلدٸرٸپ, جولدى جاۋىپ تاستادى. قازٸر 20-شاعىناۋدانداعى بەس تۇرعىن ٷي ەلٸ دە ەلەكتر جارىعىنسىز وتىر, دەپ حابارلايدى dalanews.kz.
وقيعا 19ا جەنە 20-شاعىناۋدانداردىڭ اراسىنداعى جولدا بولعان. تۇرعىنداردىڭ ايتۋىنشا, ٷيلەرٸندە جارىق جوق ەكەنٸنە بٸر تەۋلٸككە جۋىق ۋاقىت ٶتكەن. بۇعان قوسا, جىلۋ مەن ىستىق سۋ دا بەرٸلمەي جاتىر.
تۇرعىندار وسىلايشا بيلٸك پەن جاۋاپتى مەكەمەلەردٸڭ نازارىن مەسەلەگە اۋدارۋدى كٶزدەگەن. جارييالانعان بەينەجازبالاردان جولداعى كٶلٸك قوزعالىسىنىڭ توقتاعانىن كٶرۋگە بولادى. كەپتەلٸستە قوعامدىق كٶلٸك تە قالىپ قويعان.
تۇرعىنداردىڭ ايتۋىنشا, پەتەرلەردٸڭ ٸشٸ سۋىپ كەتكەن. ولاردىڭ اراسىندا كٸشكەنتاي بالالارى بار وتباسىلار دا بار. توڭازىتقىشتار جۇمىس ٸستەمەي, ازىق-تٷلٸك بۇزىلا باستاعان.
«جارىقتىڭ قايتا قوسىلعان كەزدە كەرنەۋٸ كٷرت كٶتەرٸلٸپ, تۇرمىستىق تەحنيكالار ٸستەن شىعا ما دەپ الاڭدايمىز. ونداي جاعدايدا شىعىندى كٸم ٶتەيدٸ? جارىق بۇرىن دا بٸرنەشە رەت ٶشٸپ, از ۋاقىتقا قوسىلعانىمەن, قايتا سٶنەدٸ. جىلىتقىشتاردى پايدالانۋعا مەجبٷرمٸز. سونىڭ سالدارىنان ەلەكتر ەنەرگيياسىنا كەتەتٸن شىعىن كٶبەيگەنٸمەن, پەتەرلەر بەرٸبٸر سۋىق», – دەيدٸ №33 ٷيدٸڭ تۇرعىندارى.
ولار ەكٸمدٸك پەن جاۋاپتى مەكەمەلەردەن ەلەكتر جارىعى, جىلۋ جەنە ىستىق سۋ قاشان بەرٸلەتٸنٸن تٷسٸندٸرۋدٸ تالاپ ەتتٸ. سونداي-اق اپاتتىڭ سەبەپتەرٸ, جٶندەۋ جۇمىستارىنىڭ بارىسى جەنە تۇرمىستىق تەحنيكا ٸستەن شىققان جاعدايدا ٶتەماقى الۋ تەرتٸبٸ تۋرالى اقپارات بەرۋدٸ سۇرادى.
ال «اۋەس» مەملەكەتتٸك كوممۋنالدىق كەسٸپورنىنىڭ مەلٸمەتٸنشە, قازٸر 20-شاعىناۋدانداعى بەس تۇرعىن ٷي ەلەكتر قۋاتىنسىز وتىر.
مەكەمە ماماندارى جارىق ٶشكەن سەتتەن باستاپ اپاتتىق-قالپىنا كەلتٸرۋ جۇمىستارىن جٷرگٸزٸپ جاتىر. الايدا قولايسىز اۋا رايى مەن نٶسەر جاڭبىر سالدارىنان كەيبٸر ۋچاسكەلەردٸ سۋ باسقان. سونىڭ سالدارىنان زاقىمدانعان كابەلدەر سۋ استىندا قالعان.
بۇل اقاۋدى انىقتاپ, جٶندەۋ جۇمىستارىن جٷرگٸزۋدٸ قيىنداتىپ وتىر.
«قازٸرگٸ ۋاقىتتا ەلەكتر ەنەرگيياسىن تولىق قالپىنا كەلتٸرۋدٸڭ ناقتى مەرزٸمٸن ايتۋ مٷمكٸن ەمەس», – دەپ حابارلادى كەسٸپورىن.
