الماتىدا ەكولوگ-بلوگەر, «بايتاق» جاسىلدار پارتيياسىنىڭ بۇرىنعى حاتشىسى ەرلان قىدىرباەۆ ۇستالدى. وعان مەملەكەتتەن عىلىمي جوبالاردى قارجىلاندىرۋعا بٶلٸنگەن قاراجاتتى جىمقىردى دەگەن كٷدٸك بار. بۇل تۋرالى جۋرناليست ميحايل كوزاچكوۆ Telegram-ارناسىندا جازدى, دەپ حابارلايدى dalanews.kz.
جۋرناليستٸڭ مەلٸمەتٸنشە, 50 جاستاعى ەرلان قىدىرباەۆ عىلىمي ورتادا تانىمال تۇلعالاردىڭ بٸرٸ. ول بۇعان دەيٸن «بايتاق» پارتيياسىنىڭ حاتشىسى بولعان. سونىمەن قاتار YouTube ارناسىن جٷرگٸزٸپ, تٷرلٸ تاقىرىپتا بەينەروليكتەر جارييالاپ, تانىمال ادامداردان سۇحبات العان.
كوزاچكوۆتىڭ جازۋىنشا, قىدىرباەۆ ەكٸ عىلىمي جوبامەن اينالىسقان. ولاردىڭ نەگٸزگٸ ماقساتى – قانت ديابەتٸ, تسەلياكييا جەنە باسقا دا اۋرۋلارى بار ادامدارعا ارنالعان ارنايى تاعام ٶنٸمدەرٸنٸڭ ٶندٸرٸسٸن جولعا قويۋ. اتاپ ايتقاندا, گليۋتەنسٸز جەنە كٶمٸرسۋى از نان-توقاش پەن ۇن ٶنٸمدەرٸن شىعاراتىن تسەحتار اشۋ جوسپارلانعان.
بۇل جوبالاردى جٷزەگە اسىرۋ ٷشٸن «عىلىم قورى» اكتسيونەرلٸك قوعامى ەكٸ كومپانيياعا جٷزدەگەن ميلليون تەڭگە بٶلگەن.
جۋرناليستٸڭ دەرەككٶزٸنە سٷيەنسەك, قىدىرباەۆ اتالعان كومپانييالاردا جالدامالى قىزمەتكەر رەتٸندە تٸركەلگەنٸمەن, ٸس جٷزٸندە ولاردىڭ جۇمىسىن ٶزٸ باقىلاعان دەگەن بولجام بار.
تەرگەۋ نۇسقاسى بويىنشا, كومپانييالار بٶلٸنگەن قارجىعا جاڭا ٶندٸرٸستٸك جابدىقتار ساتىپ الۋى كەرەك بولعان. الايدا قاراجات جەتكٸزۋشٸلەردٸڭ ەسەپشوتتارىنا اۋدارىلعانىمەن, ٸس جٷزٸندە بۇرىن پايدالانىلعان, تەحنيكالىق سيپاتتامالارعا سەيكەس كەلمەيتٸن جابدىقتار ساتىپ الىنعان.
ال قۇجاتتاردا تەحنيكا جاڭا ەرٸ قىمبات باعاعا الىنعانى كٶرسەتٸلگەن. جۋرناليستٸڭ مەلٸمەتٸنشە, ساتىپ الۋعا بٶلٸنگەن قاراجات پەن ناقتى جۇمسالعان سومانىڭ اراسىنداعى ايىرماشىلىق قولما-قول اقشاعا اينالدىرىلىپ, ەرلان قىدىرباەۆقا بەرٸلگەن بولۋى مٷمكٸن.
بۇدان بٶلەك, جوبالاردىڭ ورىندالىپ جاتقانىن كٶرسەتۋ ٷشٸن جالعان جەتكٸزٸلٸمدەر تۋرالى قۇجاتتار رەسٸمدەلگەن دەگەن كٷدٸك بار. ال شىن مەنٸندە ەرەكشە تاعامعا مۇقتاج ادامدارعا ارنالعان ٶنٸمدەر ٶندٸرٸلمەگەن.
قازٸر بۇل ٸستٸ الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتٸ (ەتتد) تەرگەپ جاتىر.
ميحايل كوزاچكوۆتىڭ مەلٸمەتٸنشە, مەملەكەتكە كەلتٸرٸلگەن الدىن الا شىعىن كٶلەمٸ شامامەن 150 ميلليون تەڭگە.
