قىرعىزستاندا تاۋعا جٷگٸرۋ جارىسىنا قاتىسۋعا بارعان 14 جاستاعى جاسٶسپٸرٸم قايعىلى جاعدايدا كٶز جۇمدى. ۇيىمداستىرۋشىلار جاسىنا بايلانىستى جارىسقا جٸبەرمەگەن سوڭ, ول تاۋعا جالعىز كٶتەرٸلٸپ, اداسىپ كەتكەن, دەپ حابارلايدى dalanews.kz.
قايعىلى وقيعا بٸشكەك قالاسىنا جاقىن ورنالاسقان الا-ارچا تابيعي پاركٸندە بولعان. ٷش كٷن بويى ٸزدەستٸرٸلگەن امير كۋناكۋنوۆتىڭ دەنەسٸ 9 قاراشا كٷنٸ ساعات 16:00 شاماسىندا ەلەكترو شىڭىنىڭ ماڭىنان تابىلدى.
الدىن الا مەلٸمەت بويىنشا, جاسٶسپٸرٸم سۋىقتان ٷسٸپ, دەنە تەمپەراتۋراسىنىڭ تٶمەندەۋٸ سالدارىنان قايتىس بولۋى مٷمكٸن.
جارىسقا جٸبەرٸلمەگەن سوڭ تاۋعا جالعىز كەتكەن
بەلگٸلٸ بولعانداي, 7 قاراشا كٷنٸ تاڭەرتەڭ امير ٷيٸنەن الا-ارچا تابيعي پاركٸندە ۇيىمداستىرىلعان تاۋعا جٷگٸرۋ جارىسىنا قاتىسۋ ٷشٸن شىققان.
الايدا ۇيىمداستىرۋشىلار ونىڭ جاسى تالاپقا سەيكەس كەلمەيتٸنٸن ايتىپ, جارىسقا قاتىسۋىنا رۇقسات بەرمەگەن.
وسىدان كەيٸن جاسٶسپٸرٸم ٶز بەتٸنشە ادىگەنە شاتقالىنا قاراي باعىت العان.
كۋەگەرلەردٸڭ ايتۋىنشا, سول كٷنٸ تٷستەن كەيٸن بالانى «ەلەكترو» دەپ اتالاتىن تۇراق ماڭىنان كٶرگەندەر بولعان.
قۇتقارۋشىلارعا ٶزٸ حابارلاسقان
قىرعىزستان تٶتەنشە جاعدايلار مينيسترلٸگٸنٸڭ مەلٸمەتٸنشە, 7 قاراشا كٷنٸ ساعات 19:02-دە امير 112 نٶمٸرٸنە قوڭىراۋ شالىپ, تاۋدان تٷسٸپ كەلە جاتقاندا اداسىپ كەتكەنٸن حابارلاعان.
قۇتقارۋشىلار جاسٶسپٸرٸممەن بايلانىسىپ, ونىڭ گەولوكاتسيياسى ارقىلى قاي جەردە جٷرگەنٸن انىقتاعان. بەلگٸلٸ بولعانداي, ول ەلەكترو شىڭىنىڭ ماڭىندا بولعان.
الايدا كٶپ ۇزاماي بالامەن بايلانىس ٷزٸلگەن.
8 قاراشادا ٸزدەۋ جۇمىستارىنا قوسىمشا قۇتقارۋ بٶلٸمشەلەرٸ مەن الپينيستەر جۇمىلدىرىلعان.
ال 9 قاراشادا قىرعىزستان مينيسترلەر كابينەتٸ تٶراعاسى ادىلبەك قاسىماليەۆ ارنايى ونلاين كەڭەس ٶتكٸزٸپ, جاسٶسپٸرٸمدٸ ٸزدەۋ جۇمىستارىن كٷشەيتۋدٸ تاپسىرعان.
وسىدان كەيٸن ٸزدەستٸرۋ شارالارىنا تٸكۇشاق تا تارتىلعان.
ٶكٸنٸشكە قاراي, سول كٷنٸ تٷستەن كەيٸن قۇتقارۋشىلار جاسٶسپٸرٸمنٸڭ دەنەسٸن تاۋ اراسىنان تاپتى.
ٶلٸمنٸڭ الدىن الا سەبەبٸ بەلگٸلٸ بولدى
العاشقى مەلٸمەتتەرگە سەيكەس, 14 جاستاعى امير كۋناكۋنوۆتىڭ قازاسىنا دەنەسٸنٸڭ قاتتى توڭۋى سەبەپ بولۋى مٷمكٸن.
دەگەنمەن ونىڭ ناقتى نەدەن قايتىس بولعانى تيٸستٸ تەكسەرۋ نەتيجەسٸندە انىقتالادى.
ايتا كەتەيٸك, الا-ارچا – بٸشكەك قالاسىنا جاقىن ورنالاسقان, تۋريستەر مەن الپينيستەر جيٸ باراتىن تابيعي پارك. مۇندا تاۋ جورىقتارى مەن جٷگٸرۋ جارىستارى ٶتكٸزٸلٸپ تۇرادى.
