قازاقستاننىڭ اۋىل شارۋاشىلىعى مينيسترلىگى كەيبىر باق-تا تاراعان سيىر ەتىن ەكسپورتتاۋعا سىرتقى نارىقتار جابىلدى دەگەن اقپاراتتىڭ شىندىققا جاناسپايتىنىن مالىمدەدى، دەپ حابارلايدى Dalanews.kz.
مينيسترلىكتىڭ حابارلاۋىنشا، سىرتقى ساۋدا سالاسىندا شەكتەۋ ەنگىزۋ تۋرالى شەشىمدەر ءبىر ۆەدومستۆونىڭ جەكە ءوزى قابىلدايتىن ماسەلە ەمەس.
"قولدانىستاعى زاڭناماعا سايكەس، مۇنداي شەشىمدەر بىرنەشە مەملەكەتتىك ورگان وكىلدەرى كىرەتىن ۆەدومستۆوارالىق كوميسسيانىڭ قۇزىرەتىنە جاتادى. ونىڭ قۇرامىنا ساۋدا جانە ينتەگراسيا مينيسترلىگى، باسەكەلەستىكتى قورعاۋ جانە دامىتۋ اگەنتتىگى، سونداي-اق «اتامەكەن» ۇلتتىق كاسىپكەرلەر پالاتاسى كىرەدى. وسىلايشا، ەكسپورتتىق رەجيمدەردى ەنگىزۋ نەمەسە وزگەرتۋ تۋرالى شەشىمدەر بارلىق جاعدايدى جان-جاقتى تالداۋ جانە كوميسسيا مۇشەلەرىنىڭ ۇسىنىستارى نەگىزىندە القالى تۇردە قابىلدانادى"، - دەدى مينيستر ۇكىمەتتە وتكەن بريفينگتە.
مينيسترلىك قازىرگى ۋاقىتتا سيىر ەتىن ەكسپورتتاۋعا قاتىستى قانداي دا ءبىر تىيىم نەمەسە شەكتەۋ ەنگىزۋ جونىندە شەشىم قابىلدانباعانىن اتاپ ءوتتى.
