Almatyda erteń sirena qosylady, dep habarlaidy Dalanews.kz.
25 aqpanda saǵat 11:00-de "Kóktem 2026" respýblikalyq oqý-jattyǵýy aiasynda halyqty qulaqtandyrý júiesine tehnikalyq tekseris júrgiziledi.
Tekseris barysynda "Barlyǵyńyzdyń nazaryńyzǵa!" dabyl signaly boiynsha qala aýmaǵynda sirenalar az ýaqytqa qosylady.
"Bul - josparly oqý-jattyǵý. "Barlyǵyńyzdyń nazaryńyzǵa!" signaly - tótenshe jaǵdai qaýpi tóngen nemese týyndaǵan kezde shuǵyl aqparat taratar aldynda halyqtyń nazaryn aýdarý úshin beriletin eskertý belgisi", - dep jazylǵan ákimdik habarlamasynda.
Signaldy estigen jaǵdaida:
- teledidardy nemese radioqabyldaǵyshty qosý;
- resmi internet resýrstar men mobildi qosymshalardaǵy aqparatty tekserý;
- beriletin aqparatpen jáne odan ári áreket etý jónindegi nusqaýmen muqiiat tanysý qajet.
25-26 aqpanda Almatyda "Kóktem 2026" respýblikalyq oqý-jattyǵýy ótedi. Oqý-jattyǵý aiasynda qalanyń ár aýdanynda ózen arnalary men aryq júielerin tazartý boiynsha profilaktikalyq is-sharalar júrgiziledi.
