Almatyda kóshedegi zańsyz saýdany joiý maqsatynda 306 zańsyz ornatylǵan statsionarlyq emes saýda nysany (SESN) men 222 oiyn-saýyq apparaty (kúsh ólsheýish) buzyldy. Sonymen qatar, memlekettik jer qorynda zańsyz turǵyzylǵan 32 kúrdeli qurylymdy májbúrlep buzý úshin sotqa talap-aryz jiberildi,- dep habarlaidy Dalanews.kz
Qalǵan 139 SESN-di buzý jumystary biyl 31 naýryzǵa deiin aiaqtalady. Qazirgi ýaqytta kommýnaldyq qyzmet bul nysandardyń zańsyz qosylǵan injenerlik jelilerin óshirý jumystaryn jalǵastyrýda.
Jergilikti turǵyndar zańsyz nysandardy buzý bastamasyn qoldaidy.
«Bul dúńgirshekter júrip-turýǵa kedergi keltirip, retsizdik týǵyzdy, al keibir satýshylar qoqysty trotýarǵa tastap ketetin», – deidi almatylyq turǵyn Áliia Sársenova.
Jergilikti zeinetkerdiń aitýynsha,bul jerde kúmándi tamaq satatyn dúńgirshek bolǵan.
«Buryn munda sapasy kúmándi tamaq satatyn dúńgirshek bolǵan. Ónim saqtaý jaǵdaiy sanitarlyq talaptarǵa sai emes edi. Qazir bul jer densaýlyq úshin, ásirese balalar men jastar úshin qaýipsiz boldy», – deidi zeinetker Sergei Ivanov.
Eske salaiyq, Almaty ákimi Erbolat Dosaevtyń tapsyrmasymen 2025 jyldyń 4 aqpanynan bastap Kásipkerlik jáne investitsiialar basqarmasy Jumys tobymen birlesip, ózdiginshe ornatylǵan SESN-derdi joiý jumystaryn bastaǵan bolatyn.
Qalada zańsyz SESN-derdi alyp tastaý jumystary jalǵasyp jatyr.
