AQSH Reseıdiń Ýkraınaǵa basyp kirýin zertteıtin halyqaralyq toptan shyǵý týraly sheshim qabyldady. Bul týraly AQSH-tyń Ádilet mınıstrligi jasyryn túrde málimdegen.

New York Times málimetinshe, bul sheshim prezıdent Donald Tramptyń Reseı Federasıasyna qatysty saıasatynyń baǵyt-baǵdaryn kórsetip otyr, - dep habarlaıdy Dalanews.kz.

"Ádilet mınıstrligi eýropalyq sheneýnikterdi Ýkraınaǵa basyp kirý jaýapkershiligin zertteıtin halyqaralyq toptan AQSH shyǵyp jatqanynan jasyryn túrde qulaǵdar etti.

Bul sheshim - Tramp ákimshiliginiń Vladımır Pýtındi ýkraınalyqtarǵa qarsy jasalǵan qylmystar úshin jaýapqa tartýdan bas tartqanynyń sońǵy dáleli", - dep jazdy basylym.

Derekkóz málimetinshe, bul aqparat búgin, ıaǵnı 17 naýryzda resmı túrde rastalýy kerek.

"Amerıka bıligi resýrstardy qaıta bólý qajettiligine baılanysty halyqaralyq toptan shyǵýǵa sheshim qabyldady",- degen derekkóz basylymǵa.

Aıta keteıik, Vashıngton 2023 jyly qosylǵan bul top Reseı basshylyǵyn, sondaı-aq, onyń Belarýstegi, Soltústik Koreıadaǵy jáne Irandaǵy odaqtastaryn halyqaralyq quqyqqa sáıkes jaýapkershilikke tartý úshin qurylǵan.

Buǵan deıin BAQ-ta AQSH prezıdenti Donald Tramp seısenbide Reseı prezıdenti Vladımır Pýtınmen sóılesetinin aıtqany týraly aqparat tarady.

Al Vladımır Pýtınge deıin Tramp Ýkraına prezıdenti Vladmır Zelenskıımen kezdesti. Alaıda kezdesý jaqsy reńkte aıaqtalmady.