اقش رەسەيدىڭ ۋكرايناعا باسىپ كىرۋىن زەرتتەيتىن حالىقارالىق توپتان شىعۋ تۋرالى شەشىم قابىلدادى. بۇل تۋرالى اقش-تىڭ ادىلەت مينيسترلىگى جاسىرىن تۇردە مالىمدەگەن.
New York Times مالىمەتىنشە، بۇل شەشىم پرەزيدەنت دونالد ترامپتىڭ رەسەي فەدەراسياسىنا قاتىستى ساياساتىنىڭ باعىت-باعدارىن كورسەتىپ وتىر، - دەپ حابارلايدى Dalanews.kz.
"ادىلەت مينيسترلىگى ەۋروپالىق شەنەۋنىكتەردى ۋكرايناعا باسىپ كىرۋ جاۋاپكەرشىلىگىن زەرتتەيتىن حالىقارالىق توپتان اقش شىعىپ جاتقانىنان جاسىرىن تۇردە قۇلاعدار ەتتى.
بۇل شەشىم - ترامپ اكىمشىلىگىنىڭ ۆلاديمير ءپۋتيندى ۋكراينالىقتارعا قارسى جاسالعان قىلمىستار ءۇشىن جاۋاپقا تارتۋدان باس تارتقانىنىڭ سوڭعى دالەلى"، - دەپ جازدى باسىلىم.
دەرەككوز مالىمەتىنشە، بۇل اقپارات بۇگىن، ياعني 17 ناۋرىزدا رەسمي تۇردە راستالۋى كەرەك.
"امەريكا بيلىگى رەسۋرستاردى قايتا ءبولۋ قاجەتتىلىگىنە بايلانىستى حالىقارالىق توپتان شىعۋعا شەشىم قابىلدادى"،- دەگەن دەرەككوز باسىلىمعا.
ايتا كەتەيىك، ۆاشينگتون 2023 جىلى قوسىلعان بۇل توپ رەسەي باسشىلىعىن، سونداي-اق، ونىڭ بەلارۋستەگى، سولتۇستىك كورەياداعى جانە يرانداعى وداقتاستارىن حالىقارالىق قۇقىققا سايكەس جاۋاپكەرشىلىككە تارتۋ ءۇشىن قۇرىلعان.
بۇعان دەيىن باق-تا اقش پرەزيدەنتى دونالد ترامپ سەيسەنبىدە رەسەي پرەزيدەنتى ۆلاديمير پۋتينمەن سويلەسەتىنىن ايتقانى تۋرالى اقپارات تارادى.
ال ۆلاديمير پۋتينگە دەيىن ترامپ ۋكراينا پرەزيدەنتى ۆلادمير زەلەنسكييمەن كەزدەستى. الايدا كەزدەسۋ جاقسى رەڭكتە اياقتالمادى.
