АҚШ Ресейдің Украинаға басып кіруін зерттейтін халықаралық топтан шығу туралы шешім қабылдады. Бұл туралы АҚШ-тың Әділет министрлігі жасырын түрде мәлімдеген.
New York Times мәліметінше, бұл шешім президент Дональд Трамптың Ресей Федерациясына қатысты саясатының бағыт-бағдарын көрсетіп отыр, - деп хабарлайды Dalanews.kz.
"Әділет министрлігі еуропалық шенеуніктерді Украинаға басып кіру жауапкершілігін зерттейтін халықаралық топтан АҚШ шығып жатқанынан жасырын түрде құлағдар етті.
Бұл шешім - Трамп әкімшілігінің Владимир Путинді украиналықтарға қарсы жасалған қылмыстар үшін жауапқа тартудан бас тартқанының соңғы дәлелі", - деп жазды басылым.
Дереккөз мәліметінше, бұл ақпарат бүгін, яғни 17 наурызда ресми түрде расталуы керек.
"Америка билігі ресурстарды қайта бөлу қажеттілігіне байланысты халықаралық топтан шығуға шешім қабылдады",- деген дереккөз басылымға.
Айта кетейік, Вашингтон 2023 жылы қосылған бұл топ Ресей басшылығын, сондай-ақ, оның Беларусьтегі, Солтүстік Кореядағы және Ирандағы одақтастарын халықаралық құқыққа сәйкес жауапкершілікке тарту үшін құрылған.
Бұған дейін БАҚ-та АҚШ президенті Дональд Трамп сейсенбіде Ресей президенті Владимир Путинмен сөйлесетінін айтқаны туралы ақпарат тарады.
Ал Владимир Путинге дейін Трамп Украина президенті Владмир Зеленскиймен кездесті. Алайда кездесу жақсы реңкте аяқталмады.
