Sońǵy jyldardaǵy suranys magistratýranyń innovatsiialyq baǵdarlamalaryn qurýǵa túrtki bolǵan. Osy jumystardyń aiasynda Abai atyndaǵy QazUPÝ Aýtizm spektri buzylǵan balalardy qoldaý úshin tsifrlyq jáne arnaiy pedagog kadrlaryn daiarlaýdy qolǵa alǵan bolatyn.
Jańa baǵdarlamalarǵa barlyǵy 718 adam qabyldandy, onyń 63-i magistratýra baǵdarlamalaryn tańdady.
Bul – baǵdarlamalar is júzinde QR Prezidenti Qasym-Jomart Toqaevtyń 2023 jylǵy 5 qazandaǵy I Respýblikalyq pedagogtar sezinde sóilegen sózine jaýap bolyp tabylady. Óz kezeginde Prezident «...Joǵary oqý oryndaryndaǵy pedagogikalyq mamandyqtarǵa qatysty baǵdarlamalardyń basym bóligi zaman talabyn eskermeitin burynǵy ádistemelerge negizdelgen. Zamanaýi tásilder men tehnologiiany engize otyryp, oqý baǵdarlamalaryn qaita qaraý, jańǵyrtý qajet», – degen bolatyn.
Innovatsiialyq baǵdarlamalardyń jańashyldyǵy muǵalimderdi daiarlaý boiynsha keń taralǵan tásilder men oqytý tehnologiialaryn qamtidy.
Olarǵa muǵalimderdiń tsifrlyq quzyrettiligin damytý, belsendi oqytýǵa yqpal etetin stýdentterge baǵyttalǵan tásil men ádistemeler, muǵalimniń jumsaq/jalpy daǵdylaryn damytý, ártúrli oqýshylardy taný jáne inkliýziati bilim berý, muǵalimderdiń kásibi damýy jáne ózgeristerdi basqarý, zertteýge negizdelgen oqytý, pánaralyq oqytý baǵyttary qamtylǵan.
Jaratylystaný ǵylymdarynyń muǵalimderin daiarlaý úshin STEM (Science Technology Engineering and Math) oqytý ortaq tehnologiiasy qoldanylady. Jańa baǵdarlamalarda pánderge emes, muǵalimniń eńbek áreketine negizdelgen quzirettilikke basa nazar aýdarylǵan. Quzyrettilikke negizdelgen bilim berý baǵdarlamasynyń sapasy stýdentke baǵdarlanýynda jáne oqý úderisine deiin, barysynda jáne odan keiin quzyrettilikterdi baǵalaý, anyqtaý jáne tanýda qoldanýdyń yńǵailylyǵymen kórinedi.
