Oǵan elimizdiń barlyq óńirlerinen 130 qatysýshy, QR Eńbek jáne halyqty áleýmettik qorǵaý vitse-ministri Nazgúl Saǵyndyqova, jumyspen qamtý jáne áleýmettik baǵdarlamalardy úilestirý basqarmalarynyń, múgedektigi bar adamdardy ońaltý ortalyqtarynyń ókilderi arnaiy kelgen.
Seminardyń maqsaty – QR áleýmettik Kodeksin iske asyrý aiasynda múgedektigi bar adamdardyń áleýmettik qyzmet kórsetý, ońaltý, quqyqtaryn qamtamasyz etý jáne ómir súrý sapasyn jaqsartý júielerin damytý perspektivalaryn anyqtaý.
Kezdesýde múgedektigi bar adamdardy áleýmettik qorǵaý salasynda jańa ázirlengen jobalardyń áleýeti qarastyrylady.
Sondai-aq, qatysýshylarǵa BUUDB-nyń oqý páterlerin qurý jobasynyń nátijesi jáne «Inkliýzivti qala» tiptik damý baǵdarlamasy usynyldy.
Abai oblysy ákimi apparatynyń basshysy Jasulan Sársebaev múmkindigi shekteýli jandardy áleýmettik qorǵaýdy qamtamasyz etý, olardyń tolyqqandy ómir súrýi men qoǵamǵa aralasýy úshin teń múmkindikter jasaý memlekettiń basty mindeti ekenin atap ótti.
Sondai-aq, QR Áleýmettik qorǵaý júiesi qyzmetkerleriniń kúnine orai qatysýshylar úshin saltanatty shara uiymdastyryldy.
