وعان ەلىمىزدىڭ بارلىق وڭىرلەرىنەن 130 قاتىسۋشى، ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى نازگۇل ساعىندىقوۆا، جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارمالارىنىڭ، مۇگەدەكتىگى بار ادامداردى وڭالتۋ ورتالىقتارىنىڭ وكىلدەرى ارنايى كەلگەن.
سەميناردىڭ ماقساتى – ق ر الەۋمەتتىك كودەكسىن ىسكە اسىرۋ اياسىندا مۇگەدەكتىگى بار ادامداردىڭ الەۋمەتتىك قىزمەت كورسەتۋ، وڭالتۋ، قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جۇيەلەرىن دامىتۋ پەرسپەكتيۆالارىن انىقتاۋ.
كەزدەسۋدە مۇگەدەكتىگى بار ادامداردى الەۋمەتتىك قورعاۋ سالاسىندا جاڭا ازىرلەنگەن جوبالاردىڭ الەۋەتى قاراستىرىلادى.
سونداي-اق، قاتىسۋشىلارعا بۇۇدب-نىڭ وقۋ پاتەرلەرىن قۇرۋ جوباسىنىڭ ناتيجەسى جانە «ينكليۋزيۆتى قالا» تيپتىك دامۋ باعدارلاماسى ۇسىنىلدى.
اباي وبلىسى اكىمى اپپاراتىنىڭ باسشىسى جاسۇلان سارسەبايەۆ مۇمكىندىگى شەكتەۋلى جانداردى الەۋمەتتىك قورعاۋدى قامتاماسىز ەتۋ، ولاردىڭ تولىققاندى ءومىر ءسۇرۋى مەن قوعامعا ارالاسۋى ءۇشىن تەڭ مۇمكىندىكتەر جاساۋ مەملەكەتتىڭ باستى مىندەتى ەكەنىن اتاپ ءوتتى.
سونداي-اق، ق ر الەۋمەتتىك قورعاۋ جۇيەسى قىزمەتكەرلەرىنىڭ كۇنىنە وراي قاتىسۋشىلار ءۇشىن سالتاناتتى شارا ۇيىمداستىرىلدى.
