اباي وبلىسىنداعى تارباعاتاي مەملەكەتتٸك ۇلتتىق تابيعي پاركٸندە دالا ٶرتٸنٸڭ ودان ەرٸ تارالۋى توقتاتىلدى. قازٸر ٶرتتٸڭ جيەگٸ تۇراقتى, بىقسىپ جاتقان وشاقتاردى سٶندٸرۋ جۇمىستارى جالعاسىپ جاتىر, دەپ حابارلايدى dalanews.kz.
ٶرت 20 قىركٷيەكتە اياگٶز اۋىلدىق وكرۋگٸندە تٸركەلٸپ, سول كٷنٸ ساعات 18:30-دا تارباعاتاي مەملەكەتتٸك ۇلتتىق تابيعي پاركٸنٸڭ قارابۇيرات ورمانشىلىعى اۋماعىنداعى مەملەكەتتٸك ورمان قورى جەرلەرٸنە ٶتكەن.
22 قىركٷيەك ساعات 04:30-دا ٶرتتٸڭ تارالۋى توقتاتىلدى. قازٸرگٸ ۋاقىتتا ماماندار بىقسىپ جاتقان وشاقتاردى سٶندٸرٸپ, ٶرت جيەگٸن باقىلاۋدا ۇستاپ وتىر.
ساعات 12:00-دەگٸ مەلٸمەت بويىنشا, ٶرتتٸ سٶندٸرۋگە ورمان كٷزەتٸ, «سەمەي ورمانى» موتر, اباي وبلىسىنىڭ تٶتەنشە جاعدايلار دەپارتامەنتٸ جەنە جەرگٸلٸكتٸ اتقارۋشى ورگانداردان 284 ادام مەن 26 تەحنيكا جۇمىلدىرىلعان.
ٶرتتٸ ەۋەدەن سٶندٸرۋ ٷشٸن «قازاۆياورمانقورعاۋ» رمقك مەن ۇلتتىق قاۋٸپسٸزدٸك كوميتەتٸنٸڭ سۋ تٶگۋ قۇرىلعىلارىمەن جابدىقتالعان ەكٸ مي-8 تٸكۇشاعى تارتىلدى. ٶرت سٶندٸرۋ جۇمىستارى باستالعالى بەرٸ ەۋەدەن 22 رەت سۋ تٶگٸلٸپ, جالپى 59 توننا سۋ پايدالانىلعان.
قۇتقارۋشىلاردىڭ جۇمىسىنا تاۋلى جەر بەدەرٸ مەن تەحنيكا جەتە المايتىن قيىن ۋچاسكەلەر كەدەرگٸ كەلتٸرٸپ وتىر. مامانداردىڭ مەلٸمەتٸنشە, ٶرت نەگٸزٸنەن مەملەكەتتٸك ورمان قورىنىڭ ورمانسىز اۋماقتارىن قامتىعان.
قارابۇيرات اۋىلىندا جەدەل شتاب قۇرىلدى. وقيعا ورنىندا جۇمىستاردى ٷيلەستٸرۋگە قر ەترم ورمان شارۋاشىلىعى جەنە جانۋارلار دٷنيەسٸ كوميتەتٸ تٶراعاسىنىڭ ورىنباسارى م. ەلەمەسوۆ قاتىسىپ جاتىر.
