Abaı aýdanyna basqarma basshylarymen birge jasaǵan jumys sapary aıasynda oblys ákiminiń orynbasary Jasulan Sársebaev bilim, mádenıet jáne sport nysandaryn aralady, – dep habarlaıdy Dalanews.kz Abaı oblysy ákiminiń baspasóz qyzmetine silteme jasap.

1965 jyly salynǵan Qaraýyl gımnazıasyn qaıta jańǵyrtýǵa «Aýyldaǵy tirek mektepterdiń áleýetin damytý» qaıyrymdylyq baǵdarlamasy aıasynda «Qazaqstan halqyna» qory 250 mıllıon teńge bóldi. Nátıjesinde 18 oqý kabıneti, STEM-zerthanasy, robototehnıka, ART-stýdıasy, telestýdıa, sport zaly jáne akt zalyn qosqanda 26 kabınet jańartyldy.

Bul jańǵyrtý gımnazıaǵa zamanaýı bilim berý júıesine saı orta qalyptastyrýǵa múmkindik berip, oqýshylardyń sapaly bilim alyp, shyǵarmashylyqpen damýyna jol ashty. Sonymen qatar aýyldyq shaǵyn jınaqty mektepter úshin quzyrettilik ortalyqtaryn qurý arqyly bilim berý salasyndaǵy alshaqtyqty azaıtýǵa yqpal etedi.

Qazirgi gımnazıada 291 mektep oqýshysy bilim alsa,  mektep jasyna deıingi 38 bala tárbıelenip jatyr. Jalpy, óńirde 7 tirek mektep jańǵyrtýdan ótip, kelesi oqý jylynda taǵy 4 mektepti jańartý josparlanyp otyr.