2026 жылғы 1 қаңтардан бастап жаңа Салық кодексіне сәйкес жеңіл көліктерге салынатын салық тәртібі жаңарды. Енді көлік салығы көліктің пайдаланылған мерзіміне қарай есептеледі, деп хабарлайды Dalanews.kz.
10-20 жыл пайдаланылған көліктер үшін төмендету коэффициенті 0,7 болса, 20 жылдан асқан көліктерге 0,5 коэффициенті қолданылады.
Бұл көлік иелеріне тиісінше 30 және 50 пайыз көлемінде салық жеңілдігін береді.
Қозғалтқыш көлемі 3-4 литр аралығындағы көліктерге салық мөлшері 15 АЕК болып белгіленді. Қозғалтқыш көлемі 4 литрден асатын көліктерге 117 АЕК көлемінде салық салынады. Бұл мөлшерлемелер де көліктің шыққан жылына қарай түзетіледі.
Сонымен қатар, құны 18 000 АЕК-тен (77,8 млн теңгеден) жоғары жеңіл көліктерге 10 пайыз көлемінде акциз енгізіледі. Мұндай шарт көлікті алғаш тіркеу кезінде де, ел ішінде қайта сату барысында да қолданылады.
