QazaqGaz بۋرابايداعى گولف-كلۋبتى باسقاراتىن “قازمۇنايگاز-سەرۆيس NS” كومپانياسىن قوسىمشا 488 ميلليون تەڭگەگە قارجىلاندىردى. بۇل كومپانيانىڭ ەكى جىل قاتارىنان شىعىنمەن جۇمىس ىستەپ كەلە جاتقانىنا قاراماستان جۇزەگە اسقان، دەپ حابارلايدى Dalanews.kz كۋرسيۆ مەدياعا سىلتەمە جاساپ.
2024 جىلى كومپانيا 444 ميلليون تەڭگە شىعىنمەن جىلدى اياقتاسا، 2023 جىلى بۇل كورسەتكىش 565 ميلليون بولعان. ال وتكەن جىلدىڭ سوڭىندا جينالعان جالپى شىعىن كولەمى 38،6 ميلليارد تەڭگەگە جەتكەن.
اتالعان گولف-كلۋبتى 2017 جىلى قازاقستاننىڭ تۇڭعىش پرەزيدەنتى نۇرسۇلتان نازاربايەۆ اشقان. نىسان قۇرامىنا 18 شۇڭقىرلى گولف الاڭى، ءقوناقۇي، SPA جانە كلۋب-حاۋس كىرەدى. جوبا 19،4 ميلليارد تەڭگەگە سالىنعان.
قازىرگى تاڭدا QazaqGaz بۇل اكتيۆتى ساتۋعا تىرىسىپ جاتىر. الايدا كلۋبتى ساتۋ جونىندەگى ساۋدا 6 رەت ءساتسىز اياقتالعان. «قازمۇنايگاز-سەرۆيس NS» كومپانياسىنىڭ جالعىز اكسيونەرى — QazaqGaz، ال QazaqGaz 100% «سامۇرىق-قازىنا» ۇلتتىق ءال-اۋقات قورىنا تيەسىلى.
