شىمكەنتتە 28 تامىز كۇنى پوليسەي كولىكپەن ايەلدى قاعىپ، ونىڭ ولىمىنە سەبەپ بولدى، دەپ حابارلايدى Dalanews.kz.
قالالىق پوليسيا دەپارتامەنتىنىڭ مالىمەتىنشە، وقيعا جەلتوقسان كوشەسىندە بولعان. الدىن الا دەرەكتەرگە سايكەس، جاياۋ جۇرگىنشى اعاشتاردىڭ اراسىنان كەنەتتەن شىعىپ، جولدى رۇقسات ەتىلمەگەن جەردەن كەسىپ وتپەك بولعان.
"قىلمىستىق ءىس قوزعالدى. تەرگەۋ بارىسىندا جۇرگىزۋشىنىڭ جول ەرەجەسىن بۇزباعانى انىقتالدى: ول ماس ەمەس جانە جىلدامدىق رەجيمىن ساقتاعان"، – دەلىنگەن پوليسيانىڭ رەسمي حابارلاماسىندا.
قازىرگى تاڭدا وقيعاعا بايلانىستى كەشەندى تەرگەۋ جۇرگىزىلىپ جاتىر. تەرگەۋ ناتيجەسىنە ساي پروسەسسۋالدىق شەشىم قابىلدانادى.
