Шымкентте 28 тамыз күні полицей көлікпен әйелді қағып, оның өліміне себеп болды, деп хабарлайды Dalanews.kz.
Қалалық полиция департаментінің мәліметінше, оқиға Желтоқсан көшесінде болған. Алдын ала деректерге сәйкес, жаяу жүргінші ағаштардың арасынан кенеттен шығып, жолды рұқсат етілмеген жерден кесіп өтпек болған.
"Қылмыстық іс қозғалды. Тергеу барысында жүргізушінің жол ережесін бұзбағаны анықталды: ол мас емес және жылдамдық режимін сақтаған", – делінген полицияның ресми хабарламасында.
Қазіргі таңда оқиғаға байланысты кешенді тергеу жүргізіліп жатыр. Тергеу нәтижесіне сай процессуалдық шешім қабылданады.
