جاڭا وقۋ جىلىندا وقۋشىلاردى جاڭا جابدىقتارمەن قامتاماسىز ەتۋ ترەندكە اينالدى. بيىل الماتىدا تاعى 200 وقۋشى تەگىن وقۋ قۇرالىنا يە بولدى، – دەپ حابارلايدى Dalanews.kz.
كاسىپكەرلەردىڭ قولداۋىمەن وتەتىن اكسيا اياسىندا 15 جىل بويى وتىز مىڭنان اسا وقۋشى قاجەتتى وقۋ قۇرالدارىمەن جابدىقتالعان ەكەن. ياعني، بۇل جوبا 2010 جىلدان بەرى ۇزدىكسىز جالعاسىپ كەلەدى.
بيىلعى قايىرىمدىلىق شاراسىنا مۇحيتتىڭ ارعى بەتىندە تۇراتىن امانجول رىسمەندييەۆ تە اتسالىستى.
– ءوزىم شەتەلدە جۇرسەم دە ەلىمدى ۇمىتپاي، الماتى قالاسىندا 200-دەي وقۋشىنى قۋانتۋعا تىرىستىم. ولارعا سىيلىق رەتىندە مەكتەپكە كەرەكتى قۇرال-جابدىقتارىن الىپ بەردىك. ەندى وقۋشىلارىمىز وقۋدا وزات بولسا دەگەن تىلەك بار، – دەيدى ول.
قايىرىمدىلىق اكسياسى جاڭا وقۋ جىلى قارساڭىندا، سونداي-اق، كونستيتۋسيا كۇنىنە وراي وتكىزىلگەن.
