جيىننىڭ شىمىلدىعىن تٷرگەن ساياساتتانۋشى ەدۋارد پولەتاەۆ بٷگٸنگٸ تاڭدا وداقتاس ەلدەردەگٸ ٸجٶ نٸڭ جارتىسىنان استامى قىزمەت تٷرلەرٸن قۇرايتىنىن اتاپ ٶتتٸ. ال مامانداردىڭ پٸكٸرٸنشە الداعى جىلدان باستاپ قىزمەت كٶرسەتۋدٸڭ ورتاق نارىعى ەكونوميكانىڭ 40 پايىزىن قامتۋى مٷمكٸن. بۇل تاراپتا ساياساتتانۋشى نۇرسۇلتان نازارباەۆتىڭ سٶزٸن مىسالعا كەلتٸردٸ. «2013 جىلى قىتايلىق تۋريستەردٸڭ سانى 100 ملن. ادامدى قۇرادى. ولار تۋريستٸك دەمالىستارىنا 102 ملرد. دوللار جۇمساعان. ال الداعى جىلدارى بۇل كٶرسەتكٸش ەكٸ ەسەگە ٶسپەك. ايتالىق, دەل وسى تۋريستەردٸڭ تىم بولماعاندا 1 پايىزىن نەگە ٶزٸمٸزگە تارتپاسقا?» دەدٸ پولەتاەۆ.
ال «تۇران» ۋنيۆەرسيتەتٸنٸڭ جانىنداعى تۋريزم عىلىمي زەرتتەۋ ينستيتۋتىنىڭ ديرەكتورى ۆلاديمير ۆۋكولوۆ بۇل تاراپتا بٸزدٸڭ ەل بٸرٸنشٸ كەزەكتە سپورتتىق تۋريزمدٸ دامىتۋعا باسىمدىق بەرۋٸ كەرەكتٸگٸن ايتتى.ونىڭ سٶزٸنشە, شەتەلدٸك تۋريستەر, ونىڭ ٸشٸندە الپينيستەر جوڭعار الاتاۋى مەن تيان شان تاۋىنا ەرەكشە قىزىعادى. ول سونىمەن قاتار قازاقستانعا كەلەتٸن تۋريستٸڭ قانشا قارجى شىعىندايتىنىن دا ايتىپ بەردٸ. «بٸزگە ساپارلاپ كەلەتٸن شەتەلدٸكتەر 750 جەنە 2000 دوللاردىڭ ارالىعىندا قارجى شىعىندايدى. بٸز قازٸرگٸ كٷنٸ سپورتتىق تۋريزمدٸ دامىتۋمىز كەرەك. ونىڭ بارلىق مٷمكٸندٸگٸ بار» دەدٸ ٶز سٶزٸندە ۆۋكولوۆ.
ٶز كەزەگٸندە الماتى قالالىق تۋريزم باسقارماسىنىڭ باس مامانى لوليتا كيم تۋريزم ٶزدٸگٸمەن دامىماسىنا باسا نازار اۋداردى. «بار مەسەلە نەدە? بارلىعى ەۋەجايدان, قۇجات تەكسەرۋدەن باستالادى. بٸزگە كەلەتٸن تۋريستەر ەڭ الدىمەن كٶشەلەردەگٸ بەلگٸلەر اعىلشىنشا جازىلمايتىنىنا, سول سەبەپتٸ كٶپ جاعدايدا بارار جەرٸن انىقتاي الماي جاتارىنا شاعىمدانادى. بۇدان سىرت قىزمەت كٶرسەتۋ ساپاسى تٶمەن. بىلايشا ايتقاندا, بٸزدٸڭ پەرسونالدىڭ سٶيلەسۋ ەدەبٸ, مەدەنيەتٸ كەلۋشٸلەردٸ ٷركٸتٸپ جٸبەرەدٸ» دەدٸ كيم.
ال كٶپ جىلدار بويى قازاقستاننىڭ فرانتسيياداعى كونسۋلى قىزمەتٸن اتقارعان قازبەك بەيسەباەۆ سەگٸز جىل بويى تۋريستٸك ەلدەردە جۇمىس ٸستەگەنٸن, بۇل تاراپتا بٸزدٸڭ ەلدٸ فرانتسييا نەمەسە شۆەيتسارييامەن سالىستىرۋعا كەلمەيتٸنٸن اتاپ ٶتتٸ. «3-4 جىل بۇرىن قازاقستانعا جىلىنا 35 000 مىڭ تۋريست كەلەتٸن, ولاردىڭ 30 000 الماتىعا كەلەتٸن ەدٸ. ال قازٸرگٸ كٷنٸ ولاردىڭ سانى 300 000 ٶسكەن. بٸراق, بٸر قىزىعى بٸز ەلٸمٸزدە جٷرگەن شەتەلدٸكتەردٸڭ بارلىعىن تۋريست رەتٸندە قاراستىرامىز. بۇل دۇرىس ەمەس. شەكارا اسىپ, جۇمىس بابىمەن كەلەتٸندەر بٸزدە كٶپ ايالدامايدى» دەدٸ ول ٶز سٶزٸندە.
ال قازاقستان تۋريزم قاۋىمداستىعىنىڭ ٶكٸلٸ الەكسەي حاكٸمجانوۆ لوليتا كيمنٸڭ پٸكٸرٸنە قولداۋ بٸلدٸردٸ. «ايتالىق, شەتەلدٸك تۋريستەر كٶبٸنەسە كٶلسايعا بارعىسى كەلەدٸ. بٸراق بٸزدەگٸ جولدىڭ ساپاسى, اعىلشىن تٸلٸنٸڭ دامىماعانى ولاردى ويىنان اينىتىپ تاستايدى» دەدٸ حاكٸمجانوۆ.
