قازٸرگٸ ٶمٸردٸ ەلەكتر قۋاتىنسىز ەلەستەتۋ مٷمكٸن ەمەس. الىپ زاۋىتتار مەن فابريكالاردا ەلەكتر قۋاتىنىڭ بٸرەر ساعاتقا ٷزٸلۋٸ ٷلكەن دٷربەلەڭ تۋعىزاتىنى بەلگٸلٸ. ٶيتكەنٸ, ولاردا كەز كەلگەن ٶنٸمدەر مەن تاۋارلار ەلەكتردٸڭ قاتىسۋىمەن ەزٸرلەنەدٸ. سوندىقتاندا ەلٸمٸزدٸڭ ەنەرگەتيكا سالاسىن ۇدايى دامىتۋدىڭ ماڭىزى زور.
ەل ٷكٸمەتٸ بەكٸتكەن 2015 جىلعا دەيٸنگٸ ٸس-شارالار جوسپارىنا سەيكەس, ەلەكتر ەنەرگيياسىن ٶندٸرۋدٸ, دامىتۋدى جٷزەگە اسىرۋ ٷشٸن, ەلٸمٸزدٸڭ وڭتٷستٸگٸ مەن سولتٷستٸگٸندە قۋات ٶندٸرەتٸن ەلەكتر ستانسالارىن سالۋ ٷشٸن بٸرنەشە جىلدان بەرٸ 12,9 ميلليارد اقش دوللارى كٶلەمٸندە قارجى جۇمسادى. ەلٸمٸزدٸڭ وڭتٷستٸك وبلىستارىنىڭ تاۋ ٶزەندەرٸندە گيدروەنەرگييا رەسۋرستارىنىڭ 65 پايىزى شوعىرلانعان. زەرتتەۋلەرگە قاراعاندا, رەسپۋبليكانىڭ جالپى سۋ ەلەۋەتٸ جىلىنا 170 ملرد كۆت ساعاتتى قۇرايتىن كٶرٸنەدٸ. سەس-تەردە ەلەكتر قۋاتىن ٶندٸرۋ قۇنى ارزانعا تٷسەدٸ جەنە باسقا ەنەرگييا كٶزدەرٸمەن سالىستىرعاندا, قورشاعان ورتاعا كەلتٸرەتٸن زييانى ٶتە از. سوندىقتان دا سوڭعى جىلدارى سەس قۇرىلىسى سالاسىنا ەرەكشە نازار اۋدارىلىپ وتىر. سونىڭ ايقىن دەلەلٸ – مويناق سەس-ٸ. تەۋەلسٸزدٸكتٸڭ 20 جىلدىعىنا تارتۋ رەتٸندە ٸسكە قوسىلعان بۇل سەس وڭتٷستٸك ٶڭٸردە, ەسٸرەسە, ەلٸمٸزدەگٸ ەڭ ٸرٸ مەگاپوليس – الماتى شاھارىن ەلەكترمەن تولىقتاي قامتاماسىز ەتۋدە قوماقتى ٷلەس قوسۋدا.
كەڭەس وداعى ىدىراعاننان كەيٸن مۇنداي كٷردەلٸ قۇرىلىستى كٶتەرۋ جاس مەملەكەتكە قيىن سوقتى. ەكونوميكانى جاڭا نارىقتىق قاتىناستارعا كٶشٸرۋ باستالعان جىلدارى قۇرىلىس ۋاقىتشا توقتاتىلعان ەدٸ. قىزىل يمپەرييانىڭ قول استىنداعى كەزەڭدە وداقتاس رەسپۋبليكالار مەن ەنەرگەتيكالىق جٷيەلەردٸڭ شەكارالارى ٶزارا سەيكەسپەيتٸندەي ەتٸپ جاسالعانى بەلگٸلٸ. سٶيتٸپ كٷيرەگەن كەڭەستەر وداعىنان تەۋەلسٸز قازاقستاننىڭ ەنشٸسٸنە ەنەرگەتيكالىق ٷش بٶلەك جٷيە, ونىڭ ٸشٸندە قىرعىزستانمەن جەنە ٶزبەكستانمەن بٸرلەسكەن وڭتٷستٸك ەنەرگەتيكالىق جەلٸ قالدى.
ەلدٸڭ سولتٷستٸگٸندە ەلەكتر قۋاتى استا-تٶك بولعانىمەن, وڭتٷستٸكتەگٸ تاپشىلىق يمپورت ەسەبٸنەن جابىلاتىن. وسىناۋ قايشىلىقتى رەتتەۋ ماقساتىندا KEGOK ەلدٸڭ سولتٷستٸك ايماعى مەن وڭتٷستٸك ٶڭٸرٸن جوعارى كەرنەۋلٸ ەلەكتر جەلٸسٸمەن جالعادى. دەگەنمەن ٶڭٸرلٸك دامۋدىڭ سوڭعى جىلدارداعى دامۋ قارقىنىنا ساي قۋات تۇتىنۋ كٶلەمٸ دە جىلدان-جىلعا ەسەلەپ ارتىپ كەلەدٸ.
بٷگٸندە توزىعى جەتكەن قىرعىز سەس-تەرٸنە سەنٸم از. كەز كەلگەن ۋاقىتتا اپات ورىن الۋى مٷمكٸن. كٶرشٸ ەلدەگٸ مۇنداي جاعدايلار ەلٸمٸزدٸڭ ينفراقۇرىلىمدىق نىساندارىنا ٷلكەن زييان ەكەلەتٸنٸ سٶزسٸز. بۇعان جول بەرمەۋ ٷشٸن ەلٸمٸزدٸڭ وڭتٷستٸگٸندە ٶندٸرٸلەتٸن ەلەكتر قۋاتىن ەسەلەپ ارتتىرۋ ارقىلى ايماقتا ەنەرگەتيكالىق تۇراقتىلىقتى قامتاماسىز ەتۋ قاجەت بولدى. «كٸسٸدەگٸنٸڭ كٸلتٸ – اسپاندا» دەپ اتا-بابالارىمىز بەكەر ايتپاعان عوي. باعادا دا تۇراقتىلىق جوق, جارىق كەيدە جەتٸپ, كەيدە جەتپەي جاتادى.
تەۋەلسٸزدٸك جىلدارى قازاقستاننىڭ ەنەرگەتيكا سالاسىنىڭ دامۋى نارىق قاتىناستارىنا بەيٸمدەۋ ەرەكشەلەندٸ. العاشقى رەفورمالىق شارالار 1995 جىلدىڭ سوڭىندا قر پرەزيدەنتٸنٸڭ زاڭ كٷشٸ بار «ەلەكتر ەنەرگەتيكاسى تۋرالى» جارلىعى جارييالانعاننان كەيٸن ناقتى قولعا الىندى. وسى سالاداعى جەكەشەلەندٸرۋ مەن قايتا قۇرىلىمداۋدى, ەلەكتر ەنەرگەتيكاسى نارىعىن ودان ەرٸ دامىتۋدى جٷزەگە اسىرۋ ٷشٸن ٷكٸمەت ارنايى باعدارلامالار قابىلدادى. قابىلدانعان شەشٸمدەرگە سەيكەس قۋات ٶندٸرەتٸن ٸرٸ ەلەكتر ستانتسييالارى ستراتەگييالىق ينۆەستورلارعا ساتىلسا, ٶنەركەسٸپتٸك ماقساتتاعى جىلۋ ەنەرگييا ورتالىقتارى ٸرٸ كەسٸپورىندارعا بەرٸلدٸ. ال جالپى ماقساتتاعى جىلۋ ەنەرگييا ورتالىقتارى جەكە كومپانييالارعا ساتىلدى نەمەسە كوممۋنالدىق مەنشٸككە تاپسىرىلدى.
وسى تۇستا ٷكٸمەتتٸڭ ٶڭٸرلەرگە ەلەكتر قۋاتىن تاسىمالدايتىن ٸرٸ ەلەكتر جەلٸلەرٸن ۇلتتىق جٷيە رەتٸندە ٶز قولىندا ۇستاپ قالۋى – ٶتە دۇرىس شەشٸم بولعانىن بٷگٸنگٸ كٷنٸ تٷسٸنٸپ وتىرمىز. ەلەكتر جەلٸلەرٸن باسقارۋدىڭ قازاقستاندىق «كەگوك» اق-ى قۇرىلدى. ال وبلىستار ٸشٸندەگٸ ەلەكتر قۋاتىن تاراتۋ جەلٸلەرٸنٸڭ نەگٸزٸندە ٶڭٸرلٸك ەلەكتر كومپانييالارى پايدا بولعانىن بٸلەمٸز.
الماتى وبلىستىق ەنەرگەتيكا جەنە كوممۋنالدىق شارۋاشىلىق باسقارماسىنان الىنعان مەلٸمەت بويىنشا وبلىستا 316 مۆت ەلەكتر ەنەرگيياسى ٶندٸرٸلەدٸ. بٸر قاراعاندا, جەتكٸلٸكتٸ سيياقتى كٶرٸنگەنٸمەن, ٶزٸمٸزدٸ ٶزٸمٸز قاناعاتتاندىرۋعا شامامىز جەتپەيتٸنٸ جاسىرىن ەمەس. ٶيتكەنٸ, دەل قازٸرگٸ كەزدەگٸ وبلىستاعى جالپى تۇتىنىلاتىن ەلەكتر قۋاتىنا دەگەن ەڭ جوعارعى سۇرانىس دەڭگەيٸ – 625 مۆت. ٶزٸمٸزدە ٶندٸرٸلەتٸن ەلەكتر قۋاتى قاجەتتٸلٸكتٸڭ جارتىسىن عانا جابادى. 309 مۆت-تى سىرتتان, ياعني, ەلٸمٸزدٸڭ سولتٷستٸك وبلىستارىنان, جامبىل گرەسٸ-نەن, ورتالىق ازييا ەلدەرٸنەن ساتىپ الدىق.
وسىعان وراي, ٶزٸمٸزدٸڭ ەنەرگييا كٶزدەرٸنٸڭ جەتٸسپەۋشٸلٸگٸنەن ەلەكتر ەنەرگيياسىمەن قامتاماسىز ەتۋگە قاتىستى ەرەكەتٸمٸز سىرتقى ەنەرگييا كٶزدەرٸنە تەۋەلدٸ. سىرتتان ەكەلٸنەتٸن ەلەكتر قۋاتى بٸزگە جەتكەنشە ەسەلەپ قىمباتتاپ كەتەتٸنٸ بەلگٸلٸ. قازٸرگٸ كەزدە الماتى وبلىسىندا قۋات كٶزٸنٸڭ باعاسى باسقا ايماقتارعا قاراعاندا اناعۇرلىم قىمبات. بۇدان باسقا ەلەكترجەلٸلٸك كومپانييالار ەلەكتر ەنەرگيياسىنىڭ تاپشىلىعىنا بايلانىستى جاڭا نىسانداردى ەلەكتر جەلٸسٸنە قوسۋعا رۇقسات بەرمەي جاتادى. بۇل – ٶز كەزەگٸندە وبلىس ەكونوميكاسىنىڭ دامۋىنا كەرٸ ەسەرٸن تيگٸزگەنٸ شىندىق. وسىدان كەيٸن مەملەكەتتٸك دەڭگەيدە قازاقستاننىڭ وڭتٷستٸك ٶڭٸرلەرٸن ەلەكتر ەنەرگيياسىمەن قامتاماسىز ەتۋگە قاتىستى ماڭىزدى شارالار قابىلدانۋدا. 2006 جىلدان بەرٸ «قازاقستاننىڭ 30 كورپوراتيۆتٸك كٶشباسشىسى» دەپ اتالىناتىن باعدارلاما جٷزەگە اسا باستادى. وسى باعدارلاماعا سەيكەس ەلەكتر تورلارىن باسقارۋشى «كەGوC» كومپانيياسى «قازاقستاننىڭ سولتٷستٸك – وڭتٷستٸك 500 كۆت ترانزيتٸ» جوباسى قولعا العانى ەسٸمٸزدە. جوبانىڭ ماقساتى – ەلدٸڭ وڭتٷستٸك اۋداندارىن ەلەكترمەن قامتاماسىز ەتەتٸن جاڭا ەلەكتر ەنەرگيياسى جەلٸسٸ جٷيەسٸن قۇرۋ بولدى. جٷيەنٸ جٷزەگە اسىرۋ ارقىلى سولتٷستٸك – وڭتٷستٸك باعىتى بويىنشا ەلەكتر ەنەرگيياسىن ترانزيتتەۋدٸڭ قۋاتى مەن جەتكٸزۋ مٷمكٸندٸگٸن 4,5 ملرد كۆت ساعاتتان (630 مەگاۆاتت) 7,5 ملرد كۆت ساعاتقا (1350 مەگاۆاتت) ارتتىرۋ مٷمكٸن بولادى. قۇرىلىس 2009 جىلى ٸسكە قوسىلعانى بەلگٸلٸ.
جەتٸسۋدىڭ ٶزگە ٶڭٸرلەردەن ەرەكشەلٸگٸ دە, ارتىقشىلىعى دا ەكپٸندەگەن جەلٸ. كٶرشٸ جاتقان قىتاي ەلٸ الاشاڭقاي جاعىنان ازىناعان جەلدٸ اۋىزدىقتاپ, ارزان, زييانسىز ەلەكتر قۋاتىن الۋدىڭ ەدٸسٸن تاپقان. ال بٷگٸنگٸدەي قىم-قۋىت, قىمباتشىلىق زامانىندا ەلەكتر قۋاتىن ٶندٸرۋدٸڭ بارلىق بالاما كٶزدەرٸن كەدەگە اسىرۋدىڭ بۇرىنعىدان دا ٶزەكتٸلٸگٸ ارتتى.
يندۋسترييالاندىرۋ باعدارلاماسىن ٸسكە اسىرۋ بارىسىندا قازاقستان ەنەرگەتيكانى تۇتىنۋعا دەگەن سۇرانىسى ارتا تٷسەتٸنٸ اقيقات. سوندىقتان دا, قازٸرگٸدەي ەنەرگييانى ٷنەمسٸز, تيٸمسٸز پايدالانۋدى تٶمەندەتۋ, كەرٸسٸنشە, ەشبٸر شىعىنسىز, «جوعالتۋسىز» ولاردى باسقا باستامالارعا جۇمساي بٸلۋ, قاراپايىم تۇتىنۋشىدان باستاپ ٸرٸ ٶندٸرٸس وشاقتارىنا دەيٸن ەنەرگييا ٷنەمدەۋگە ٷيرەتۋ ماڭىزدى مٸندەت بولماق. سوندىقتان ٷكٸمەت قابىلداعان «ەنەرگييا ٷنەمدەۋ – 2020» باعدارلاماسىنىڭ ماڭىزى زور دەپ ەسەپتەيمٸن.
ەگەر باعدارلاما تيٸمدٸ جٷزەگە اساتىن بولسا, ەلٸمٸزدە قۋات كٶزدەرٸن تۇتىنۋدىڭ جاڭا جٷيەسٸن قالىپتاستىرۋعا مٷمكٸندٸك تۋاتىنى انىق. سوندىقتان دا, ٷنەمشٸلدٸككە ٷندەيتٸن قۇجاتتى ەزٸرلەگەن يندۋسترييا جەنە جاڭا تەحنولوگييالار مينيسترلٸگٸ ستراتەگييانىڭ باستى توعىز باعىتىن ايقىنداعان ەكەن. بۇل رەتتە ەڭ الدىمەن ٸرٸ ٶنەركەسٸپتٸك كەسٸپورىندارداعى ەنەرگييا ٷنەمدەۋ شاماسىن 30 پايىزعا دەيٸن تٶمەندەتۋ كٶزدەلگەن. مۇنداعى باستى مەسەلە – توزۋ قۇرالدارىندا ەكەندٸگٸ داۋسىز. ەكٸنشٸدەن, قۇجاتتا يننوۆاتسييالىق ەنەرگەتيكا باعىتىندا ەلەكتر ەنەرگيياسىن ٶندٸرۋگە ٷلەستٸك شىعىنداردى تٶمەندەتۋ قامتىلعان. بۇل باعىت بويىنشا, وتاندىق ەنەرگەتيكانى يننوۆاتسييالىق جولمەن جاڭعىرتىپ, بٸر كيللوۆات قۋاتقا جۇمسالاتىن شىعىندى 14 پايىزعا ازايتۋ كٶزدەلۋدە. وسىعان وراي, قازٸردٸڭ ٶزٸندە ٶنەركەسٸپ پەن ەنەرگەتيكا سالاسىنداعى 30 كەسٸپورىندا ەنەرگەتيكالىق اۋديت, ياعني ەنەرگييا ٷنەمدەۋدٸ انىقتايتىن تەكسەرۋلەر ٶتە باستادى. ال 2015 جىلعا دەيٸن 2 مىڭنان استام ٶنەركەسٸپ كەسٸپورىندارى وسىنداي ەنەرگەتيكالىق اۋديتتەن ٶتكٸزٸلمەك. اتالعان سالا ەلٸمٸزدەگٸ بارلىق ەنەرگييانىڭ تەڭ جارتىسىن تۇتىناتىندىقتان, مينيسترلٸك دەل وسى باعىتتا قاتاڭ باقىلاۋعا مٷددەلٸ ەكەندٸگٸن بٸلدٸرەدٸ.
ەلٸمٸزدٸڭ ٸرٸ كەسٸپورىندارى ەنەرگييا ٷنەمدەۋ سالاسىندا اتقارىلعان جۇمىستارى جايلى توقسان سايىن ٷكٸمەتكە ەسەپ بەرٸپ وتىرۋ مٸندەتتەلگەن. ٶنەركەسٸپتەگٸ, تۇرعىن ٷي-كوممۋنالدىق شارۋاشىلىعىنداعى جەنە ەكونوميكانىڭ باسقا دا سەكتورلارىنداعى ەنەرگييا ٷنەمدەۋ بويىنشا ٷزدٸك كەسٸپورىنداردى انىقتايتىن بايقاۋلار ۇيىمداستىرىلىپ تۇرادى. قۇزىرلى ورىندا مەملەكەتتٸك ەنەرگەتيكالىق رەەستر سۋبەكتٸلەرٸنٸڭ تٸزبەسٸن جارييالاپ, 727 ٶنەركەسٸپتٸك جەنە 2938 مەملەكەتتٸك كەسٸپورىن, سونداي-اق 8 مىڭنان استام مەملەكەتتٸك مەكەمەلەر اراسىندا ەنەرگەتيكالىق اۋديت جٷرگٸزۋ شاراسىن باستاپ كەتتٸ. 2015 جىلدىڭ ورتاسىنا دەيٸن ەلٸمٸزدەگٸ 2 مىڭنان استام ٶنەركەسٸپتٸك كەسٸپورىن ەنەرگواۋديتتەن ٶتۋٸ تيٸس.
حالىقارالىق ەنەرگەتيكا اگەنتتٸگٸنٸڭ باعالاۋىنشا, دٷنيەجٷزٸندە تۇتىنىلاتىن بٷكٸل ەلەكتر قۋاتىنىڭ 19 پايىزى جارىق بەرۋگە جۇمسالادى. ال بٸزدٸڭ ەلدە ٶندٸرٸلەتٸن بٷكٸل ەنەرگييانىڭ 13 پايىزعا جۋىعى جارىقتاندىرۋعا كەتەدٸ. ەرٸ بٷكٸل ەلەكتر قۋاتىنىڭ 75 پايىزى كٶمٸر جاعۋ ارقىلى ٶندٸرٸلەدٸ. 16 ميلليوننان استام حالقى بار ەلٸمٸز, ورتالىق ازييانىڭ باسقا ەلدەرٸمەن سالىستىرعاندا, ەلەكتر قۋاتىن جان باسىنا شاققاندا – ەكٸ ەسە, ال ٶزگە دامۋشى مەملەكەتتەرگە قاراعاندا, ورتا ەسەپپەن 3,5 ەسە كٶپ تۇتىنادى. سوندىقتان قۋات ٷنەمدەۋ مەسەلەسٸ ەل ازاماتتارى ٷشٸن ماڭىزدى مەسەلە ەكەنٸن بايقايمىز. زاماناۋي ەنەرگييا ٷنەمدەۋشٸ تەحنولوگييالاردى ەنگٸزۋ, جاساندى جارىقتاندىرۋدىڭ جاڭا ستاندارتتارىن ورناتۋ ارقىلى عانا مٷمكٸن ەكەنٸن تٷسٸنگەن ەلدەر, وسىنداي نورمالاردى ەزٸرلەۋ سالاسىندا جوسپارلى ساياساتقا كٶشٸپ وتىر. مەسەلەن, اقش-تا 2014 جىلعا قاراي تيٸمسٸز جارىق كٶزدەرٸنەن تولىق باس تارتۋعا باعىتتالعان نورماتيۆتٸ اكتٸنٸ ەنگٸزٸپ, شىعىن كٶلەمٸن 20 ملرد دوللارعا ازايتۋدى كٶزدەپ وتىر. 2009 جىلدىڭ قىركٷيەگٸنەن باستاپ ەۋرووداق قۋاتتىلىعى 100 ۆت قىزدىرۋ شامدارىن ساتۋعا تىيىم سالىپ, 2012 جىلعا قاراي بۇل شارا قىزدىرۋ شامدارىنىڭ بارلىق تٷرٸنە قاتىستى قولدانىلادى. قازٸرگٸ زامانداعى جارىق تەحنولوگييالارى ەلەكتر قۋاتىن تۇتىنۋ مٶلشەرٸن 40 پايىزعا دەيٸن ٷنەمدەۋگە مٷمكٸندٸك بەرەتٸنٸ بەلگٸلٸ. بۇل كٶرسەتكٸش ەلەمدٸك اۋقىمدا جىلىنا 106 ملرد ەۋرونى ٷنەمدەۋمەن بٸردەي. ەكولوگييا تۇرعىسىنان العاندا, كٶمٸرقىشقىل گازىنىڭ اۋاعا تارالۋىن جىلىنا 555 ملن تونناعا ازايتادى.
قازٸر قازاقستان دا وسى باعىتقا قاراي بەت بۇرعان. سونىڭ باسى رەتٸندە ٷكٸمەت 2012 جىلى قۋاتتىلىعى – 100 ۆت, 2013 جىلى – 75 ۆت, 2014 جىلى 25 ۆاتتان اساتىن قىزدىرۋ شامدارىن ەلگە ەكەلۋگە جەنە ساتۋعا تىيىم سالدى. ەندٸ قىزدىرۋ شامدارىنىڭ ورنىنا ٷنەمدٸ ليۋمينيستسەنتتٸ جەنە جارىق ديودتى شامداردى پايدالانۋىمىز كەرەك. ٷنەمدەۋ جەنە ەنەرگييا قورلارىن ورىندى پايدالانۋدى ەركٸم ٶز ٷيٸنەن باستاۋى تيٸس. ٶيتكەنٸ بٸزدٸڭ ەرقايسىمىزدىڭ ەلەكتر قۋاتىن, جىلۋدى جەنە ٶزگە دە قۋات كٶزدەرٸن تۇتىنۋعا دەگەن كٶزقاراسىمىز, ەلٸمٸزدە تۇتىنىلاتىن ەنەرگييانىڭ جالپى كٶرٸنٸسٸنٸڭ سيپاتىن ايعاقتايدى. «ەنەرگوپروم» قازعزي پرەزيدەنتٸ گەنناديي اندرەەۆتٸڭ باعالاۋىنشا, ەلٸمٸزدەگٸ ەنەرگييا ٷنەمدەۋ ەلەۋەتٸ – ەنەرگييا تۇتىنۋدىڭ جالپى دەڭگەيٸنٸڭ 30 پايىزىن قۇرايدى. بۇل قۋات ٷنەمدەۋ مٷمكٸندٸگٸ بار ەكەندٸگٸن دەلەلدەيدٸ. الايدا مۇنى دۇرىستاپ جٷزەگە اسىرۋ قاجەت. ول ٷشٸن جاڭا تەحنولوگييالارعا جٷگٸنۋدٸڭ ماڭىزى زور. بٸر عانا جارىقتاندىرۋ سالاسىنداعى جاڭا تەحنولوگييالاردى سٶز ەتكەندە, ليۋمينيستسەنتتٸ جەنە جارىق ديودتى شامدار الدىمەن اۋىزعا ٸلٸگەدٸ. كٶرشٸمٸز رەسەيدە 100 ۆاتتىق قىزدىرۋ شامدارىنا تىيىم سالىنعان. قازٸر كەيبٸر اقپارات قۇرالدارى 2009 جىلى وسىنداي تىيىم ەنگٸزگەن ەۋروپا تۇرعىندارى «بارماعىن تٸستەپ قالدى» دەپ جازىپ جٷر. ال قۋات ٷنەمدەيتٸن شام شىعارۋشىلار ٶز ٶنٸمٸن بارىنشا ماقتاپ ەلەك. تاياۋدا بٸر كومپانييانىڭ ٶكٸلٸ ليۋمينيستسەنتتٸ شامعا قاتىستى «اڭىزداردى» جوققا شىعارۋعا تىرىستى. ونىڭ ٸشٸندەگٸ ەڭ نەگٸزگٸلەرٸ – باعاسى, قىزمەت مەرزٸمٸ جەنە دەنساۋلىققا ەسەرٸ.
نۇرلان جۇماقانوۆ
