قازاقستان وسىعان دەيىن مۇنايىن وتكىزىپ كەلگەن كەيبىر جەكەلەگەن نارىقتاردان ايىرىلىپ قالىپ جاتىر. مۇنى ق ر قارجى مينيسترلىگى مەملەكەتتىك كىرىستەر دەپارتامەنتى ۇسىنعان سيفرلاردى العا تارتا وتىرىپ، ەكونوميست رۋسلان سۇلتانوۆ ايتادى. ال مۇندايدا مۇناي تابىسىنا بايلانعان بيۋدجەتىمىزگە قيىنعا سوعارى ايان، دەپ حابارلايدى Dalanews.kz.
ماسەلەن، 2025 جىلدىڭ ءى-توقسانىندا شيكى مۇناي ەكسپورتى كولەمى بويىنشا 14%-عا، ال اقشالاي 21%-عا نەمەسە 8،6 ملرد دوللارعا دەيىن كۇرت قىسقارعان.
سۇلتانوۆتىڭ ايتۋىنشا، جىل باسىندا قازاقستان مۇنايىن تۇتىنۋدى كۇرت قىسقارتقان جۇڭگو (-82%) مەن سينگاپۋر ( -74%) ەلدەرى بولدى. ال وڭتۇستىك كورەيا، ءۇندىستان، ۇلىبريتانيا، حورۆاتيا، پولشا جانە برۋنەي سەكىلدى التى مەملەكەت قازاقستان مۇنايىنان مۇلدە باس تارتقان.
ارينە، مۇنداي ويسىراۋ مۇناي وندىرۋشىلەردى بەي-جاي قالدىرماعانى انىق. قازاقستان مۇنايى ءۇشىن 2025 جىلى مىسىر مەن باگام سىندى جاڭا نارىقتارعا جول اشىلدى. ال يسپانيا (+180%)، بولگاريا (+207%) جانە ءازىربايجان (+125%) "قارا التىن" تۇتىنىسىن كۇرت ارتتىرعان.
"مۇناي ءوندىرىسىن ارتتىرعانىنا قاراماستان، ەكسپورتىمىز ءالى اقساپ جاتىر. ازيا باعىتى، ءتىپتى ەسەڭگىرەپ "ءحال ۇستىندەگى" كۇيدە. بۇدان شىعاتىن قورىتىنى باعالار، ەكسپورت باعىتتارى، كولەم – مۇنىڭ بارلىعىن گەوساياسات شەشەدى. ول باعا كونيۋنكتۋراسىنا دا، ەكسپورت گەوگرافياسىنا دا تىكەلەي ىقپال ەتەدى. سوندىقتان قازاقستانعا تەك مۇنايدى وندىرۋمەن شەكتەلمەي، ونى وڭدەۋدە وزىندىك كلاستەر قۇرۋ ماڭىزدى. سەبەبى تولىققاندى ءارى ءتۇرلى ونىمگە تولى نارىق قانا ينۆەستورلارعا تارتىمدى ەكەنى بەلگىلى"، - دەيدى Tengenomika Telegram ارناسىنىڭ اۆتورى.
قازاقستاندىق مۇناي ەكسپورتىنىڭ كورسەتكىشتەرى، 2025 جىل I-توقسان
| مەملەكەتتەر | 2024 جىلدىڭ | I-توقسانى | 2025 جىلدىڭ | I-توقسانى | ءوسىم، | % |
| مولشەرى | مىڭ توننا | ملن دوللار | مىڭ توننا | ملن دوللار | تونناداعى | قۇنى |
| شيكى مۇناي، جالپى كولەمى | 17 858 | 10 858 | 15 364 | 8 551 | -14% | -21% |
| يتاليا | 7 042 | 4 186 | 7 152 | 3 980 | 2% | -5% |
| فرانسيا | 1 651 | 1 031 | 1 098 | 622 | -33% | -40% |
| جۇڭگو | 1 409 | 958 | 249 | 131 | -82% | -86% |
| نيدەرلاندى | 1 373 | 864 | 1 611 | 901 | 17% | 4% |
|
گرەسيا |
1 047 | 652 | 1 223 | 703 | 17% | 8% |
| وڭتۇستىك كورەيا | 801 | 532 | 0 | 0 | -100% | -100% |
| رۋمىنيا | 830 | 474 | 1 118 | 598 | 35% | 26% |
| تۇركيا | 605 | 379 | 538 | 301 | -14% | -21% |
| سينگاپۋر | 612 | 314 | 162 | 76 | -74% | -76% |
| اقش | 464 | 287 | 282 | 167 | -39% | -42% |
| شۆەيساريا | 491 | 256 | 355 | 182 | -28% | -29% |
| گەرمانيا | 404 | 243 | 402 | 232 | 0% | -4% |
| يسپانيا | 317 | 197 | 893 | 514 | 182% | 160% |
| ءۇندىستان | 221 | 133 | 0 | 0 | -100% | -100% |
| بىرىككەن كورولدىك | 187 | 106 | 0 | 0 | -100% | -100% |
| برۋنەي-دارۋسسالام | 132 | 97 | 0 | 0 | -100% | -100% |
| حورۆاتيا | 128 | 80 | 0 | 0 | -100% | -100% |
| پولشا | 80 | 40 | 0 | 0 | -100% | -100% |
| بولگاريا | 24 | 12 | 73 | 38 | 207% | 185% |
| ازەربايجان | 22 | 11 | 49 | 24 | 125% | 112% |
| وزبەكستان | 19 | 7 | 16 | 6 | -15% | -15% |
| باگام ارالدارى | 0 | 0 | 5 | 3 | جاڭا | نارىق |
| مىسىر | 0 | 0 | 137 | 76 | جاڭا | نارىق |
دەرەككوز: ق ر قارجى مينيسترلىگى مەملەكەتتىك كىرىستەر دەپارتامەنتى
بۇعان دەيىن سايتىمىزدا "كارتەلمەن سوعىس. كەلەسى اپتادا قازاقستان وپەك+ كەلىسىمىنەن كەتۋى مۇمكىن" دەگەن ماقالا جاريالانعان بولاتىن. سونداي-اق "قازاقستاندى جازالاپ جاتىر". ساراپشى الداعى كۇندەرى 1 اقش دوللارى 530 تەڭگە بولۋى مۇمكىن ەكەنىن ايتتى" دەگەن ماتەريالدى دا بىزدەن وقي وتىرىڭىزدار.
