قازاقستاندا اجىراسقاندارعا سالىق سالۋ تۋرالى ۇسىنىس قوعامدا قىزۋ پٸكٸرتالاس تۋدىردى. بەلگٸلٸ تٸل مامانى نازگٷل قوجابەك بۇل باستامانىڭ تٷپ-تٶركٸنٸنە ٷڭٸلٸپ, ونىڭ ارتىندا ەيەلدەردٸڭ قوعامداعى مەرتەبەسٸنە قاتىستى تەرەڭ ەلەۋمەتتٸك كٶزقاراس جاتقانىن العا تارتتى, دەپ حابارلايدى Dalanews.kz.
"اجىراسقاندارعا سالىق سالىنسىن" دەگەن "يدەيانىڭ" ارتىندا نە تۇرعانىن ايتايىن با?
قازاقتا "وتاعاسى" دەگەن نەرسە بار. ونىڭ ورىسشاسى — گلاۆا سەمي. ۆوت, بالا-شاعاسىن ٶزٸ باعىپ وتىرعان ەيەل اۆتومات تٷردە ٷيٸنٸڭ باسى, باسشىسى, توقەتەرٸ - وتاعاسى بولىپ شىعا كەلەدٸ. ٶيتكەنٸ بالا-شاعانىڭ بٷگٸنٸ مەن ەرتەڭٸ, دەنساۋلىعى مەن قاۋٸپسٸزدٸگٸ, قايدا تۇرىپ, نە ٸشٸپ-جەيتٸنٸ, نە كيٸپ, قالاي جٷرٸپ-تۇراتىنى سونىڭ جاۋاپكەرشٸلٸگٸندە. وتاعاسى دەگەن — وسىعان جاۋاپ بەرەتٸن ادام”, — دەيدٸ ول.
ماماننىڭ ايتۋىنشا, قازٸرگٸ تاڭدا قازاقستاندا 400 مىڭنان استام ەيەل “وتاعاسى” رٶلٸن اتقارىپ جٷر. بٸراق قوعامدا مۇنى قابىلداي المايتىندار بار.
“بۇل كٸسٸلەر ەيەلدٸڭ ٶيتٸپ, دەل وسىنداي جولمەن بولسا دا, ەركەكتەرگە تەڭەسكەنٸن كٶتەرە المايدى. كٶتەرە المايدى. سودان, ەيەلدٸڭ ٶيتٸپ شىعانداپ كەتۋٸنە جول بەرمەي, ادىمىن اشتىرمايتىن امال ٸزدەۋ كەرەك.
بۇلار بار عوي, بار وتباسىلاردىڭ تىنىشتىعىن, بەرەكەسٸن ويلاپ وتىرعان جوق. بۇلاردىڭ كٶزٸنە كٷيٸك — اجىراسقان قاتىن. قوعامنىڭ بار يتتٸگٸنٸڭ ايىبىن سولاردىڭ (بٸزدٸڭ!) موينىنا ارتىپ قويماق.
ٶلە قالىڭدار, بٸز ٶز ٷيٸمٸزدٸڭ وتاعاسىمىز!” — دەپ جازدى ول.
نازگٷل قوجابەكتٸڭ پٸكٸرٸنشە, ەگەر پارلامەنت “وتاعاسىنىڭ مەرتەبەسٸ تۋرالى” زاڭدى قابىلداسا, وندا ەيەلدەردٸڭ دە وسى مەرتەبەگە يە بولۋىن زاڭمەن بەكٸتۋ قاجەت.
“قايبٸر جىلى پارلامەنتتە ايتىلىپ قالعان "وتاعاسىنىڭ مەرتەبەسٸ تۋرالى" زاڭ, ياعني "زاكون و ستاتۋسە گلاۆى سەمي" جازىلا قالسا, ول زاڭدا بٸزدٸڭ دە مەرتەبەمٸز ايتىلادى دەگەن سٶز” — دەپ قوستى ول.
ايتا كەتەيٸك, بۇعان دەيٸن دەپۋتاتتار تاراپىنان اجىراسقان ازاماتتارعا ارنايى سالىق سالۋ تۋرالى ۇسىنىس ايتىلعان ەدٸ.
