قازاقستان سەناتى اقش پەن قازاقستان ٷكٸمەتتەرٸ اراسىنداعى كەلٸسٸمدٸ راتيفيكاتسييالاپ, الماتى قالاسىندا اقش-تىڭ جاڭا باس كونسۋلدىعىن سالۋ ٷشٸن جەر تەلٸمٸن ۇزاق مەرزٸمگە جالعا بەرۋ جٶنٸندەگٸ قۇجاتتى بەكٸتتٸ, دەپ حابارلايدى Dalanews.kz.
كەلٸسٸمگە سەيكەس, امەريكا قۇراما شتاتتارى 70 مىڭ شارشى مەتردەن استام جەر تەلٸمٸن 49 جىلعا جالعا الادى. بۇل ٷشٸن اقش تاراپى بٸر رەتتٸك تٶلەم رەتٸندە 25,3 ميلليون دوللاردى كەلٸسٸم كٷشٸنە ەنگەن سوڭ 30 كٷن ٸشٸندە تٶلەيدٸ.
اقش بۇل اۋماقتا كونسۋلدىق عيماراتتان بٶلەك, ساۋدا مينيسترلٸگٸ, ەسٸرتكٸمەن كٷرەس اگەنتتٸگٸ جەنە كوممەرتسييالىق قىزمەت ٶكٸلدٸكتەرٸن ورنالاستىرۋدى جوسپارلاپ وتىر. بارلىق قۇرىلىس, قىزمەت كٶرسەتۋ, جٶندەۋ جەنە كوممۋنالدىق شىعىندار تولىقتاي اقش تاراپىنان قارجىلاندىرىلادى. سونىمەن قاتار, كەلٸسٸمگە ساي, ولار سالىق پەن كەدەندٸك باجداردان بوساتىلادى.
زاڭ جوباسىن ۇسىنعان مامانداردىڭ ايتۋىنشا, بولاشاقتا بۇل كونسۋلدىق ورتالىق ازيياداعى ەڭ اۋقىمدى ۆيزا ورتالىعىنا اينالىپ, قازاقستاننىڭ حالىقارالىق ارەناداعى بەدەلٸن نىعايتىپ, ينۆەستيتسييالىق تارتىمدىلىعىن ارتتىرادى. سونداي-اق, بۇل جوبا جاڭا جۇمىس ورىندارىنىڭ اشىلۋىنا جەنە قىزمەت كٶرسەتۋ مەن بيزنەس سالالارىنىڭ دامۋىنا جول اشۋى مٷمكٸن.
سىرتقى ٸستەر مينيسترٸنٸڭ بٸرٸنشٸ ورىنباسارى اقان راحمەتۋلليننٸڭ مەلٸمەتٸنشە, قازٸرگٸ تاڭدا الماتىدا اقش كونسۋلدىعى ەكٸ بٶلەك نىساندى جالداپ وتىر. جاڭا كەشەن دايىن بولعان سوڭ, بارلىق قىزمەتكەرلەر سول جەرگە كٶشٸرٸلەدٸ.
"شتات سانى كٶبەيە مە, جوق پا – ەزٸرگە بەلگٸسٸز. بٸراق جاڭا عيمارات كەڭ ەرٸ تولىققاندى ينفراقۇرىلىممەن جابدىقتالادى. سوندىقتان بەلگٸلٸ بٸر دەرەجەدە كەڭەيتۋ جوسپارلانۋى مٷمكٸن. بۇل مەسەلە بويىنشا اقش تاراپىمەن ناقتى كەلٸسسٶزدەر جٷرگٸزٸلەدٸ", – دەدٸ راحمەتۋللين سەنات وتىرىسىنان كەيٸن.
پرەزيدەنت كەلٸسٸمگە قول قويعاننان كەيٸن, الماتى ەكٸمدٸگٸ مەن اقش باس كونسۋلدىعى اراسىندا قوسىمشا قۇجاتتار رەسٸمدەلٸپ, قۇرىلىس جۇمىستارى باستالادى. بۇل جوبانى امەريكالىق قۇرىلىس كومپانيياسى جٷزەگە اسىرادى دەپ كٷتٸلۋدە.
