الماتىدا جەڭٸستٸڭ 80 جىلدىعىنا ارنالعان ەكولوگييالىق اكتسييا اياسىندا بارلىق سەگٸز اۋداندا ۇلى وتان سوعىسى ارداگەرلەرٸنٸڭ اللەياسى اشىلدى. بۇل ەكواكتسييا «تازا قازاقستان» رەسپۋبليكالىق باعدارلاماسى مەن «الماتى – بٸزدٸڭ ورتاق ٷيٸمٸز» جالپىقالالىق ناۋقان اياسىندا ۇيىمداستىرىلدى,- دەپ حابارلايدى Dalanews.kz
28 گۆارديياشى-پانفيلوۆشىلار ساياباعىندا ٶتكەن ۇوس ارداگەرلەرٸنٸڭ اللەياسىنىڭ سالتاناتتى اشىلۋىنا شاھار باسشىسى ەربولات دوساەۆ, سوعىس ارداگەرلەرٸ, ولاردىڭ وتباسى مٷشەلەرٸ, قازاقستاننىڭ ەڭبەك سٸڭٸرگەن ارتيستەرٸ جەنە قوعام ٶكٸلدەرٸ قاتىستى.
«مەملەكەت باسشىسى ەسكەري شەرۋدەگٸ سٶزٸندە: «ۇلى جەڭٸس – تاريحىمىزدىڭ اجىراماس بٶلٸگٸ جەنە كٷللٸ ەلەم ٷشٸن ٷلكەن ساباق. بٸز وسى اقيقاتتى ەردايىم ەستە ساقتاۋىمىز كەرەك», – دەپ اتاپ ٶتتٸ. بٸز بەيبٸت ٶمٸر سىيلاعان جانداردى ەشقاشان ۇمىتپاۋىمىز قاجەت. جەڭٸستٸڭ 80 جىلدىعىنا وراي الماتىدا بۇل مەرەيتوي ەرەكشە فورماتتا اتاپ ٶتٸلۋدە: قالانىڭ بارلىق اۋدانىندا بٸر مەزەتتە ارداگەرلەر اللەياسى اشىلدى. بۇل جەرلەردٸ ەر اۋدان تۇرعىنى بٸلٸپ, بارىپ, باتىرلارىمىزدىڭ رۋحىنا تاعزىم ەتكەنٸن قالايمىن. الماتىدا بٷگٸندە 21 سوعىس ارداگەرٸ تۇرادى – بۇل رەسپۋبليكا بويىنشا ەڭ ٷلكەن كٶرسەتكٸش. بٸز سوڭعى ەكٸ جىلدا ٶمٸردەن وزعان ارداگەرلەردٸ دە قۇرمەتپەن ەسكە الامىز. بارلىعى 29 اعاش ەگٸلدٸ. بۇل اللەيالار بولاشاق ۇرپاق – بالالار, نەمەرە-شٶبەرەلەر ٷشٸن باتىرلىقتى ەسكە سالىپ تۇراتىن تٸرٸ ەسكەرتكٸشكە اينالادى», – دەدٸ ەربولات دوساەۆ.
ارداگەرلەردٸڭ تۋىستارىمەن بٸرگە الماتى ەكٸمٸ بيٸكتٸگٸ 6 مەتر بولاتىن جٶكە اعاشى ەگٸلدٸ. ەر اعاشتىڭ جانىنا ارداگەردٸڭ اتى جازىلعان ارنايى تاقتايشا ورناتىلدى. جٶكە –ٶمٸرشەڭدٸكتٸڭ, جاد پەن رۋحتىڭ بەلگٸسٸ. سول سەبەپتٸ ونى سوعىس ارداگەرلەرٸنٸڭ قۇرمەتٸنە جيٸ وتىرعىزادى. بۇل كەلەشەككە بەيبٸت ٶمٸر سىيلاعان جانداردىڭ قۇرمەتٸنە قويىلعان تٸرٸ ەسكەرتكٸش. اعاش وتىرعىزۋ كەزٸندە زاماناۋي ەدٸستەر مەن تەحنولوگييالار قولدانىلدى: اعاشتى تٸك ۇستاۋعا ارنالعان قايىڭ تٸرەكتەر, سونداي-اق, تامىر ارقىلى سۋارۋ جٷيەسٸ ورناتىلدى.
ارداگەرلەردٸڭ ۇرپاقتارى اللەيا اشىپ, ۇلى وتان سوعىسى ارداگەرلەرٸنٸڭ ەسٸمٸن ەستە ساقتاۋعا جاعداي جاساعانى ٷشٸن قالا باسشىسىنا العىس بٸلدٸردٸ.
«سوعىس ارداگەرلەرٸنٸڭ بارلىق ۇرپاعى اتىنان اتالارىمىزدىڭ, ەكەلەرٸمٸزدٸڭ, انالارىمىز بەن ەجەلەرٸمٸزدٸڭ جارقىن بەينەسٸن ەسكە الىپ, قۇرمەت كٶرسەتكەندەرٸڭٸز ٷشٸن العىس ايتامىن. جٶكە – ەرەكشە اعاش. ول رۋحتىڭ مىقتىلىعىن, تٶزٸمدٸلٸك پەن ادالدىقتى بٸلدٸرەدٸ. بۇل كٶنە ەرٸ اسىل سيمۆول بٸزگە بولاشاق ۇرپاق ٷشٸن ٶمٸرٸن سارپ ەتكەن جانداردى ەردايىم ەسكە سالىپ تۇرادى. حوش يٸستٸ گٷلٸ مەن ۇزاق جاسايتىن قاسيەتٸ بار جٶكە – باتىرلارىمىزدىڭ جٷرەكتە ساقتالاتىن ەرلٸگٸ سەكٸلدٸ, مەڭگٸلٸك تٸرٸ ەستەلٸككە اينالادى», – دەدٸ ۇوس ارداگەرٸ ولگا ساۆەنكونىڭ نەمەرەسٸ يۋلييا زاۆادسكايا.
ەربٸر مايدانگەردٸڭ وتباسى اعاش ەگۋگە جان-تەنٸمەن بەرٸلە كٸرٸستٸ.
«وسىنداي اۋقىمدى ٸس-شاراعا قاتىسىپ وتىرعانىمىزعا شىن جٷرەكتەن قۋانىشتىمىز. بٷگٸن كٷن كەرەمەت, كٶڭٸل-كٷيٸمٸز دە سونداي جاقسى. مۇنداي ماڭىزدى وقيعانى ۇيىمداستىرعاندارىڭىز ٷشٸن بارلىق ارداگەردٸڭ وتباسىلارى اتىنان العىس ايتقىمىز كەلەدٸ. بۇل اعاشتار حالقىمىزدىڭ باتىرلارىن ۇمىتپاۋعا مٷمكٸندٸك بەرەدٸ. بٸز بۇل جەرگە بالالارىمىزدى ەرتٸپ كەلٸپ, وتىرعىزىلعان اعاشتارمەن تانىستىرىپ, اتالارىنىڭ ەرلٸگٸ تۋرالى ايتىپ وتىرامىز», – دەدٸ سوعىس ارداگەرٸ ۆاسيليي زينچەنكونىڭ قىزى ليۋدميلا زينچەنكو.
«بٷگٸن كٷننٸڭ شۋاعى مەن جىلۋى ەرەكشە. بۇل تەك بٸز ٷشٸن ەمەس, بارلىق ارداگەردٸڭ وتباسىسى ٷشٸن ماڭىزدى سەت ەكەنٸن سەزٸندٸك. وتىرعىزىلعان اعاشتار بٸزگە بەيبٸتشٸلٸك سىيلاعان باتىرلارىمىزدىڭ تٸرٸ ەسكەرتكٸشٸنە اينالادى. مٸندەتتٸ تٷردە بۇل جەرگە بالا-شاعامىزبەن كەلٸپ, ولار دا بۇل اعاشتدى كٶرٸپ, بابالارى مەن ەجەلەرٸنٸڭ ەرلٸگٸن ەشقاشان ۇمىتپايدى», – دەدٸ سوعىس ارداگەرٸ داربالا جاباتاەۆانىڭ قىزى سەۋلە قولىمباەۆا.
«بيىل بٸز ۇلى وتان سوعىسىنداعى جەڭٸستٸڭ 80 جىلدىعىن اتاپ ٶتەمٸز. وسىنداي اللەيانى قولعا الىپ, جٷزەگە اسىرعانى ٷشٸن العىسىمىز شەكسٸز. بۇل جەرگە بٸزدٸڭ ۇرپاعىمىز كەلٸپ, بۇل اعاشتاردى اتالارى وتىرعىزعانىن ەسكە الادى», – دەدٸ بىلتىر قازاندا 100 جاسقا تولعان ۇوس ارداگەرٸ قامبار ەمٸرۇلى سەرسەنوۆ.
وسى كٷنٸ 28 گۆارديياشى-پانفيلوۆشىلار ساياباعىندا بيٸكتٸگٸ 6 مەترلٸك 29 اتاۋلى جٶكە اعاشى وتىرعىزىلدى. جالپى, ۇوس ارداگەرلەرگە ارنالعان اشىق اللەيالاردا 200 جٶكە ەگٸلدٸ.
