Almatyda Jeńistiń 80 jyldyǵyna arnalǵan ekologiialyq aktsiia aiasynda barlyq segiz aýdanda Uly Otan soǵysy ardagerleriniń alleiasy ashyldy. Bul ekoaktsiia «Taza Qazaqstan» respýblikalyq baǵdarlamasy men «Almaty – bizdiń ortaq úiimiz» jalpyqalalyq naýqan aiasynda uiymdastyryldy,- dep habarlaidy Dalanews.kz
28 gvardiiashy-panfilovshylar saiabaǵynda ótken UOS ardagerleriniń Alleiasynyń saltanatty ashylýyna shahar basshysy Erbolat Dosaev, soǵys ardagerleri, olardyń otbasy músheleri, Qazaqstannyń eńbek sińirgen artisteri jáne qoǵam ókilderi qatysty.
«Memleket basshysy áskeri sherýdegi sózinde: «Uly Jeńis – tarihymyzdyń ajyramas bóligi jáne kúlli álem úshin úlken sabaq. Biz osy aqiqatty árdaiym este saqtaýymyz kerek», – dep atap ótti. Biz beibit ómir syilaǵan jandardy eshqashan umytpaýymyz qajet. Jeńistiń 80 jyldyǵyna orai Almatyda bul mereitoi erekshe formatta atap ótilýde: qalanyń barlyq aýdanynda bir mezette ardagerler alleiasy ashyldy. Bul jerlerdi ár aýdan turǵyny bilip, baryp, batyrlarymyzdyń rýhyna taǵzym etkenin qalaimyn. Almatyda búginde 21 soǵys ardageri turady – bul respýblika boiynsha eń úlken kórsetkish. Biz sońǵy eki jylda ómirden ozǵan ardagerlerdi de qurmetpen eske alamyz. Barlyǵy 29 aǵash egildi. Bul alleialar bolashaq urpaq – balalar, nemere-shóbereler úshin batyrlyqty eske salyp turatyn tiri eskertkishke ainalady», – dedi Erbolat Dosaev.
Ardagerlerdiń týystarymen birge Almaty ákimi biiktigi 6 metr bolatyn jóke aǵashy egildi. Ár aǵashtyń janyna ardagerdiń aty jazylǵan arnaiy taqtaisha ornatyldy. Jóke –ómirsheńdiktiń, jad pen rýhtyń belgisi. Sol sebepti ony soǵys ardagerleriniń qurmetine jii otyrǵyzady. Bul keleshekke beibit ómir syilaǵan jandardyń qurmetine qoiylǵan tiri eskertkish. Aǵash otyrǵyzý kezinde zamanaýi ádister men tehnologiialar qoldanyldy: aǵashty tik ustaýǵa arnalǵan qaiyń tirekter, sondai-aq, tamyr arqyly sýarý júiesi ornatyldy.
Ardagerlerdiń urpaqtary alleia ashyp, Uly Otan Soǵysy ardagerleriniń esimin este saqtaýǵa jaǵdai jasaǵany úshin qala basshysyna alǵys bildirdi.
«Soǵys ardagerleriniń barlyq urpaǵy atynan atalarymyzdyń, ákelerimizdiń, analarymyz ben ájelerimizdiń jarqyn beinesin eske alyp, qurmet kórsetkenderińiz úshin alǵys aitamyn. Jóke – erekshe aǵash. Ol rýhtyń myqtylyǵyn, tózimdilik pen adaldyqty bildiredi. Bul kóne ári asyl simvol bizge bolashaq urpaq úshin ómirin sarp etken jandardy árdaiym eske salyp turady. Hosh iisti gúli men uzaq jasaityn qasieti bar jóke – batyrlarymyzdyń júrekte saqtalatyn erligi sekildi, máńgilik tiri estelikke ainalady», – dedi UOS ardageri Olga Savenkonyń nemeresi Iýliia Zavadskaia.
Árbir maidangerdiń otbasy aǵash egýge jan-tánimen berile kiristi.
«Osyndai aýqymdy is-sharaǵa qatysyp otyrǵanymyzǵa shyn júrekten qýanyshtymyz. Búgin kún keremet, kóńil-kúiimiz de sondai jaqsy. Mundai mańyzdy oqiǵany uiymdastyrǵandaryńyz úshin barlyq ardagerdiń otbasylary atynan alǵys aitqymyz keledi. Bul aǵashtar halqymyzdyń batyrlaryn umytpaýǵa múmkindik beredi. Biz bul jerge balalarymyzdy ertip kelip, otyrǵyzylǵan aǵashtarmen tanystyryp, atalarynyń erligi týraly aityp otyramyz», – dedi soǵys ardageri Vasilii Zinchenkonyń qyzy Liýdmila Zinchenko.
«Búgin kúnniń shýaǵy men jylýy erekshe. Bul tek biz úshin emes, barlyq ardagerdiń otbasysy úshin mańyzdy sát ekenin sezindik. Otyrǵyzylǵan aǵashtar bizge beibitshilik syilaǵan batyrlarymyzdyń tiri eskertkishine ainalady. Mindetti túrde bul jerge bala-shaǵamyzben kelip, olar da bul aǵashtdy kórip, babalary men ájeleriniń erligin eshqashan umytpaidy», – dedi soǵys ardageri Darbala Jabataevanyń qyzy Sáýle Qolymbaeva.
«Biyl biz Uly Otan soǵysyndaǵy Jeńistiń 80 jyldyǵyn atap ótemiz. Osyndai alleiany qolǵa alyp, júzege asyrǵany úshin alǵysymyz sheksiz. Bul jerge bizdiń urpaǵymyz kelip, bul aǵashtardy atalary otyrǵyzǵanyn eske alady», – dedi byltyr qazanda 100 jasqa tolǵan UOS ardageri Qambar Ámiruly Sársenov.
Osy kúni 28 gvardiiashy-panfilovshylar saiabaǵynda biiktigi 6 metrlik 29 ataýly jóke aǵashy otyrǵyzyldy. Jalpy, UOS ardagerlerge arnalǵan ashyq alleialarda 200 jóke egildi.
