باتىس قازاقستان وبلىسىندا پروكۋروردىڭ ءمايىتى تابىلدى. بۇل اقپاراتتى وبلىستىق پروكۋراتۋرا راستادى، دەپ حابارلايدى Dalanews.kz.
بۇعان دەيىن الەۋمەتتىك جەلىلەردە 8 مامىرعا قاراعان ءتۇنى تەرەكتى اۋداندىق پروكۋرورى ءوز ءۇيىنىڭ اۋلاسىندا وز-وزىنە قول جۇمسادى دەگەن حابار تاراعان بولاتىن.
وبلىستىق پروكۋراتۋرانىڭ باسپا ءسوز قىزمەتى بۇل وقيعا بويىنشا پوليسيا قىزمەتكەرلەرى تەرگەۋ جۇرگىزىپ جاتقانىن مالىمدەدى.
– بولعان جاعدايعا بايلانىستى وبلىس پروكۋراتۋراسى مارقۇمنىڭ تۋىستارىنا كوڭىل ايتادى، – دەلىنگەن رەسمي مالىمدەمەدە.
تەرگەۋ مۇددەسىنە بايلانىستى باسقا اقپارات ازىرگە جاريا ەتىلمەيدى.
