Батыс Қазақстан облысында прокурордың мәйіті табылды. Бұл ақпаратты облыстық прокуратура растады, деп хабарлайды Dalanews.kz.
Бұған дейін әлеуметтік желілерде 8 мамырға қараған түні Теректі аудандық прокуроры өз үйінің ауласында өз-өзіне қол жұмсады деген хабар тараған болатын.
Облыстық прокуратураның баспасөз қызметі бұл оқиға бойынша полиция қызметкерлері тергеу жүргізіп жатқанын мәлімдеді.
– Болған жағдайға байланысты облыс прокуратурасы марқұмның туыстарына көңіл айтады, – делінген ресми мәлімдемеде.
Тергеу мүддесіне байланысты басқа ақпарат әзірге жария етілмейді.
