بۇگىن نارتاي بەكەجانوۆ اتىنداعى قازاق اكادەميالىق مۋزىكالىق دراما تەاترىندا 7 مامىر - وتان قورعاۋشى كۇنىنە جانە 9 مامىر - ۇلى جەڭىستىڭ 80 جىلدىعىنا ارنالعان «ۇلى جەڭىس - ەرلىككە تاعزىم، ۇرپاققا ۇلگى» اتتى مەرەكەلىك شارا ءوتتى،- دەپ حابارلايدى Dalanews.kz
شارادا قىزىلوردا وبلىسىنىڭ اكىمى نۇرلىبەك نالىبايەۆ مايدانگەرلەر مەن ساربازداردى وتان قورعاۋشى كۇنىمەن قۇتتىقتادى.
"پرەزيدەنتىمىز، قازاقستان قارۋلى كۇشتەرىنىڭ جوعارعى باس قولباسشىسى قاسىم-جومارت كەمەل ۇلى "مەملەكەت تۋعان جەرى ءۇشىن ايانباي ەڭبەك ەتىپ، اسكەري قىزمەتكە بۇكىل عۇمىرىن ارناعان وتانسۇيگىش پەرزەنتتەرىن جان-جاقتى قولداۋعا ايرىقشا ءمان بەرەدى. ءبىزدىڭ مىندەتىمىز – جاڭا گەوساياسي احۋالعا ساي ەلىمىزدىڭ قورعانىس قابىلەتىن ودان ءارى نىعايتا ءتۇسۋ"، – دەپ اتاپ ءوتتى.
ەلىمىزدىڭ اۋماقتىق تۇتاستىعىن ساقتاۋدا، ۇلتتىق مۇددەسىن قورعاۋدا انتىنا ادال، سەرتىنە بەرىك ايبىندى اسكەرىمىز وزىنە جۇكتەلگەن قاستەرلى مىندەتىن مۇلتىكسىز ورىنداۋدا.
قۇقىق قورعاۋ ورگاندارى قوعامدا زاڭ مەن ءتارتىپتى، ارناۋلى قىزمەتتەر ۇلتتىق قاۋىپسىزدىكتى قامتاماسىز ەتۋدە. قۇتقارۋشىلار حالقىمىزدىڭ اماندىعى ءۇشىن ايانباي تەر توگۋدە. ەلىمىزدىڭ ارمياسى زاماناۋي قارۋمەن، وزىق تەحنيكامەن قامتاماسىز ەتىلگەن. مەملەكەت تاراپىنان اسكەريلەردى، قۇقىق قورعاۋ، ازاماتتىق قورعانىس ورگاندارىنىڭ قىزمەتكەرلەرىن الەۋمەتتىك تۇرعىدان جان-جاقتى قولداۋعا باسا كوڭىل بولىنگەن. جالپىۇلتتىق بىرلىك پەن ساياسي تۇراقتىلىقتىڭ ناتيجەسىندە ەل سىرتى جاۋدان، ءىشى داۋدان امان بولىپ، مەملەكەتىمىز ورنىقتى دامىپ كەلەدى.
"تاۋەلسىزدىگىمىز بەن بايتاق جەرىمىزدى، تىنىشتىعىمىز بەن بەيبىتشىلىگىمىزدى قاس قاقپاي كۇزەتىپ، حالقىمىزعا قورعان بولعان ۇلتتىق اسكەرىمىزدىڭ مارتەبەسى اسقاقتاي بەرسىن! ەلىمىز ەڭسەلى، تاۋەلسىزدىگىمىز تۇعىرلى بولعاي!" - دەدى ن.نالىبايەۆ.
راسىمدە تىل جانە سالا ارداگەرلەرى، ماماندارى "ۇلى وتان سوعىسىنداعى جەڭىسكە 80 جىل" مەرەكەلىك مەدالىمەن جانە وبلىس اكىمىنىڭ العىس حاتىمەن ماراپاتتالدى.
ايتا كەتۋ كەرەك، مەرەكە قارساڭىندا وڭىرىمىزدەگى ۇلى وتان سوعىسىنىڭ 2 ارداگەرى، 1700 تىل ەڭبەككەرى پرەزيدەنت جارلىعىمەن «ۇلى وتان سوعىسىنداعى جەڭىسكە 80 جىل» مەرەكەلىك مەدالىمەن ماراپاتتالدى.
سونىمەن قاتار، 5 مامىر كۇنى اقوردادا مەملەكەت باسشىسى قاسىم-جومارت كەمەل ۇلى مەملەكەتتىك ناگرادالار، جوعارى اسكەري اتاقتار، سىنىپتىق شەندەر تاپسىرۋ راسىمىندە جەرلەسىمىز راحىموۆ ارمان تاستەمىرۇلىنا سىبايلاس جەمقورلىققا قارسى قىزمەتىنىڭ گەنەرال-مايورى ارناۋلى اتاعىن بەردى.
