ۆاتيكانداعى سيكستين كاپەللاسىندا ٶتكەن كونكلاۆ نەتيجەسٸندە ريم-كاتوليك شٸركەۋٸنٸڭ جاڭا باسشىسى سايلاندى. داۋىس بەرۋدٸڭ تٶرتٸنشٸ كەزەڭٸنەن كەيٸن, جەرگٸلٸكتٸ ۋاقىتپەن 18:00-دە كاپەللا شاتىرىنان اق تٷتٸن شىعىپ, جاڭا پاپانىڭ تاڭدالعانىن بٸلدٸردٸ,- دەپ حابارلايدى Dalanews.kz ۆۆس باسىلىمىنا سٸلتەمە جاساپ.
جاڭا ريم پاپاسى بولىپ امەريكالىق روبەرت فرانچەسكو پرەۆو سايلانىپ, XIV لەۆ ەسٸمٸن قابىلدادى. ول – بۇل لاۋازىمعا كەلگەن العاشقى امەريكالىق. تاعايىنداۋدان كەيٸن شامامەن بٸر ساعات ٶتكەندە جاڭا پاپا ەۋليە پەتر الاڭىنا جينالعان مىڭداعان سەنۋشٸنٸڭ الدىنا بالكوننان شىقتى. جينالعان جۇرت ونى زور قۋانىشپەن قارسى الدى.
1955 جىلى اقش-تىڭ چيكاگو قالاسىندا دٷنيەگە كەلگەن پرەۆو ەرتە جاستان دٸني جولدى تاڭداعان. اۆگۋستينشٸلەر وردەنٸنە كٸرٸپ, ريمدە دٸني بٸلٸم العان. ول شامامەن 30 جىل بويى پەرۋدە ميسسيونەرلٸك قىزمەت اتقارىپ, كەيٸن ەپارحييالاردى باسقارعان. پەرۋ ازاماتتىعىن العان پرەۆو ەلەۋمەتتٸك رەفورمالاردى قولداپ, وسال توپتارعا جەردەم كٶرسەتۋدٸ ماقسات ەتكەن تۇلعا رەتٸندە تانىمال.
2023 جىلدان باستاپ ۆاتيكاندا ەپيسكوپتاردى تاعايىنداۋعا جاۋاپتى ماڭىزدى قۇرىلىمدى باسقارعان ول بٷگٸندە كاتوليك ەلەمٸنٸڭ رۋحاني كٶشباسشىسى رەتٸندە تانىلىپ وتىر.
قازاقستان پرەزيدەنتٸ قاسىم-جومارت توقاەۆ XIV لەۆتٸ ەل حالقىنىڭ اتىنان قۇتتىقتاپ, جەدەلحات جولدادى. مەملەكەت باسشىسى كاتوليك شٸركەۋٸنٸڭ بەيبٸتشٸلٸك پەن تۇراقتىلىقتى نىعايتۋداعى رٶلٸن اتاپ ٶتٸپ, قازاقستاننىڭ دٸنارالىق كەلٸسٸم مەن ىنتىماقتاستىقتى قولداي بەرەتٸنٸن جەتكٸزدٸ. پرەزيدەنت سونىمەن قاتار ريم پاپاسىنىڭ ەلٸمٸزگە ەكٸ مەرتە ساپارمەن كەلگەنٸن ەسكە سالىپ, بۇل بايلانىستاردىڭ ەرەكشە ماڭىزىن اتاپ ٶتتٸ.
