شىعىس قازاقستان وبلىسى مەن اباي وبلىسىندا ەلەۋمەتتٸك ماڭىزى بار نىسانداردى سالۋ كەزٸندە 1,2 ميلليارد تەڭگەدەن استام قاراجاتتىڭ جىمقىرىلۋىنا قاتىستى تەرگەۋ جٷرگٸزٸلٸپ جاتىر, دەپ حابارلايدى dalanews.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, ٸس بويىنشا «ۆوستوك ينجينيرينگ» جشس-نٸڭ باسشىسى كٷدٸككە ٸلٸنگەن. كومپانييا 2020-2023 جىلدار ارالىعىندا شقو مەن اباي وبلىسىنداعى جەتٸ ەلەۋمەتتٸك نىساننىڭ قۇرىلىسىنا تەحنيكالىق قاداعالاۋ جٷرگٸزگەن.
ەڭگٸمە دەنە شىنىقتىرۋ-ساۋىقتىرۋ كەشەندەرٸ, سۋمەن جابدىقتاۋ جٷيەلەرٸ جەنە جاعالاۋدى بەكٸتۋ قۇرىلىستارى تۋرالى بولىپ وتىر.
تەرگەۋ دەرەگٸنە سەيكەس, كومپانييا قۇرىلىس جۇمىستارىنىڭ كٶلەمٸن, ساپاسىن جەنە جوبالىق قۇجاتتارعا سەيكەستٸگٸن باقىلاۋعا مٸندەتتٸ بولعان. الايدا ٸس جٷزٸندە بۇل مٸندەتتەر ورىندالماعان.
سوعان قاراماستان, سەرٸكتەستٸك باسشىسى كٶرسەتٸلگەن قىزمەتتەر ٷشٸن تٶلەم الىپ, قۇرىلىس كٶلەمدەرٸ تۋرالى جالعان مەلٸمەتتەر ەنگٸزٸلگەن ورىندالعان جۇمىستار اكتٸلەرٸنە قول قويعان.
تٸنتۋ بارىسىندا تەرگەۋشٸلەر مٶرلەردٸڭ كٶشٸرمەلەرٸن جەنە جالعان اكتٸلەردٸ انىقتاعان.
الدىن الا ەسەپ بويىنشا مەملەكەتكە كەلتٸرٸلگەن شىعىن كٶلەمٸ 1,2 ميلليارد تەڭگەدەن اسقان.
كٷدٸكتٸگە ٸزدەۋ جارييالانىپ, سوت ونىڭ قاماۋعا الىنۋىنا سانكتسييا بەردٸ.
