Shyǵys Qazaqstan oblysy men Abai oblysynda áleýmettik mańyzy bar nysandardy salý kezinde 1,2 milliard teńgeden astam qarajattyń jymqyrylýyna qatysty tergeý júrgizilip jatyr, dep habarlaidy dalanews.kz.
Qarjylyq monitoring agenttiginiń málimetinshe, is boiynsha «Vostok Injiniring» JShS-niń basshysy kúdikke ilingen. Kompaniia 2020-2023 jyldar aralyǵynda ShQO men Abai oblysyndaǵy jeti áleýmettik nysannyń qurylysyna tehnikalyq qadaǵalaý júrgizgen.
Áńgime dene shynyqtyrý-saýyqtyrý keshenderi, sýmen jabdyqtaý júieleri jáne jaǵalaýdy bekitý qurylystary týraly bolyp otyr.
Tergeý deregine sáikes, kompaniia qurylys jumystarynyń kólemin, sapasyn jáne jobalyq qujattarǵa sáikestigin baqylaýǵa mindetti bolǵan. Alaida is júzinde bul mindetter oryndalmaǵan.
Soǵan qaramastan, seriktestik basshysy kórsetilgen qyzmetter úshin tólem alyp, qurylys kólemderi týraly jalǵan málimetter engizilgen oryndalǵan jumystar aktilerine qol qoiǵan.
Tintý barysynda tergeýshiler mórlerdiń kóshirmelerin jáne jalǵan aktilerdi anyqtaǵan.
Aldyn ala esep boiynsha memleketke keltirilgen shyǵyn kólemi 1,2 milliard teńgeden asqan.
Kúdiktige izdeý jariialanyp, sot onyń qamaýǵa alynýyna sanktsiia berdi.
