2026 jylǵy 2 naýryzda Jetisý ýnıversıtetine ıtalıan tiliniń oqytýshysy Alessandro Grassı jáne Letteratè ıtalıan tilin meńgerý ortalyǵynyń dırektory Lúbov Grassı resmı issaparmen keldi, dep habarlaıdy Dalanews.kz.

Oqytýshylar ýnıversıtet basshylyǵymen Marke polıtehnıkalyq ýnıversıteti fılıalynyń stýdentteri men oqytýshylaryn ıtalıan tiline úıretý jumysyn damytý jáne bolashaqta ózara yntymaqtastyqty nyǵaıtý máselelerin talqylady.

Sondaı-aq, kezdesý barysynda Alessandro Grassı kýrsqa qatysýshy stýdentter men oqytýshylarǵa ınterbelsendi sabaqtar ótkizip, ıtalıan tilin praktıkada qoldaný erekshelikterin túsindirdi.

Aıta keteıik, atalǵan ıtalıan tili kýrsy 2025 jylǵy 12 jeltoqsanda bastalǵan. Qazirgi ýaqytta kýrs onlaın jáne oflaın formatta júrgizilýde.