Birqatar BAQ Taiaý Shyǵystaǵy jaǵdai ýshyǵýyna bailanysty Krishtianý Ronaldýǵa tiesili jeke ushaq aimaqtan ushyp ketkenin jazdy, dep habarlaidy Dalanews.kz.
GOAL basylymynyń málimetinshe, fýtbolshynyń Bombardier Global Express ushaǵy Saýd Arabiiasynan Ispaniia astanasy Madrid qalasyna baǵyt alǵan. Ushý shamamen jeti saǵatqa sozylǵan.
Reisterdi qadaǵalaý júiesiniń deregine súiensek, ushaq jergilikti ýaqyt boiynsha keshki 20:00-de ushyp shyǵyp, túngi 01:00-ge deiin Madridke qonǵan. Flightradar24 servisi bort Mysyr aýmaǵy men Jerorta teńizi ústimen ushqanyn kórsetken.
Alaida ushaq bortynda Ronaldýdyń ózi nemese onyń otbasy músheleri bolǵan-bolmaǵany belgisiz.
Ázirge álemdegi eń tanymal fýtbolshylardyń biri jaǵdaiǵa qatysty resmi málimdeme jasaǵan joq. Aita keteiik, Ronaldý 2023 jyldyń basynan beri Saýd Arabiiasynda óner kórsetip keledi.
