GOAL باسىلىمىنىڭ مالىمەتىنشە، فۋتبولشىنىڭ Bombardier Global Express ۇشاعى ساۋد ارابياسىنان يسپانيا استاناسى مادريد قالاسىنا باعىت العان. ۇشۋ شامامەن جەتى ساعاتقا سوزىلعان.
رەيستەردى قاداعالاۋ جۇيەسىنىڭ دەرەگىنە سۇيەنسەك، ۇشاق جەرگىلىكتى ۋاقىت بويىنشا كەشكى 20:00-دە ۇشىپ شىعىپ، تۇنگى 01:00-گە دەيىن مادريدكە قونعان. Flightradar24 سەرۆيسى بورت مىسىر اۋماعى مەن جەرورتا تەڭىزى ۇستىمەن ۇشقانىن كورسەتكەن.
الايدا ۇشاق بورتىندا رونالدۋدىڭ ءوزى نەمەسە ونىڭ وتباسى مۇشەلەرى بولعان-بولماعانى بەلگىسىز.
ازىرگە الەمدەگى ەڭ تانىمال فۋتبولشىلاردىڭ ءبىرى جاعدايعا قاتىستى رەسمي مالىمدەمە جاساعان جوق. ايتا كەتەيىك، رونالدۋ 2023 جىلدىڭ باسىنان بەرى ساۋد ارابياسىندا ونەر كورسەتىپ كەلەدى.
