Memleket basshysy Qasym-Jomart Toqaev Energetika ministri Erlan Aqkenjenovti qabyldap, eldiń otyn-energetika keshenindegi ahýal, negizgi jobalardyń iske asyrylýy jáne salany damytý josparlary týraly esepti tyńdady, dep habarlaidy Dala news.
Aqordanyń málimetinshe, elde munai óndirý turaqty ósim kórsetip otyr. Sonymen qatar munai óńdeý kólemin arttyrý jospary tanystyryldy. Atap aitqanda:
•Shymkent munai óńdeý zaýytynyń qýatyn jylyna 6 mln tonnadan 12 mln tonnaǵa deiin,
•Atyraý munai óńdeý zaýytyn 5,5 mln tonnadan 6,7 mln tonnaǵa deiin,
•Pavlodar munai-himiia zaýytyn 5,5 mln tonnadan 9 mln tonnaǵa deiin ulǵaitý kózdelip otyr.
Erlan Aqkenjenov 2029 jylǵa deiin jańa energetikalyq qýattardy iske qosý josparlary týraly da baiandady. Biyl Almaty qalasyndaǵy JEO-2 qurylysyn aiaqtaý, sondai-aq Qyzylorda jáne Túrkistan oblystarynda bý-gaz qondyrǵylary negizinde elektr stantsiialaryn paidalanýǵa berý josparlanǵan.
Ministr ulttyq «Kómir generatsiiasyn damytý» jobasynyń ázirlený barysy jóninde de aqparat berdi.
Kezdesý qorytyndysynda Prezident otyn-energetika sektoryn odan ári damytýǵa qatysty birqatar naqty tapsyrma berdi. Memleket basshysy munai-gaz, munai-gaz himiiasy jáne elektr energetikasy salalaryndaǵy josparlanǵan jobalardy ýaqtyly ári sapaly júzege asyrýdyń mańyzyn atap ótti.
Sondai-aq Qasym-Jomart Toqaev óndiristik nysandardyń tiimdi jumysyn qamtamasyz etý úshin tsifrlyq sheshimder men jasandy intellekt tehnologiialaryn belsendi engizý qajettigin erekshe atap ótti.
