Aqmola oblysy Shýchinsk qalasynda bolǵan jarylystan keiin "Tsentr plova" dámhanasynyń iesi ustaldy, dep habarlaidy Dalanews.kz QazTAG basylymyna siltep.
Oblys prokýratýrasynyń málimetinshe, dámhanada bolǵan órt boiynsha Qylmystyq kodekstiń 292-baby 3-bóligi ("Órt qaýipsizdigi talaptaryn buzý, abaisyzda eki nemese odan da kóp adamnyń ólimine ákep soǵý") boiynsha qylmystyq is qozǵalǵan. Tergeýdi arnaiy prokýrorlar júrgizip jatyr.
2 naýryzda dámhana iesi ustalǵan. Qazir tergeý júrgizilip jatyr. Istiń tergelý barysy Bas prokýratýranyń baqylaýynda.
Eske salaiyq, buǵan deiin Shýchinsk qalasynda bes qabatty turǵyn úige tirkelgen bir qabatty dámhanada gaz aýa qospasy jarylyp, órt shyqty. Saldarynan toǵyz adam kóz jumyp, birneshe adam zardap shekti.
Jarylystan qaza tapqandardyń otbasyna 2 mln teńgeden beriledi.
Sonymen qatar,qaza tapqandardyń otbasylarynyń nesiesi óteledi.
