اقمولا وبلىسى ششۋچينسك قالاسىندا بولعان جارىلىستان كەيىن "سەنتر پلوۆا" ءدامحاناسىنىڭ يەسى ۇستالدى، دەپ حابارلايدى Dalanews.kz قازتاگ باسىلىمىنا سىلتەپ.

وبلىس پروكۋراتۋراسىنىڭ مالىمەتىنشە، ءدامحانادا بولعان ءورت بويىنشا قىلمىستىق كودەكستىڭ 292-بابى 3-بولىگى ("ءورت قاۋىپسىزدىگى تالاپتارىن بۇزۋ، ابايسىزدا ەكى نەمەسە ودان دا كوپ ادامنىڭ ولىمىنە اكەپ سوعۋ") بويىنشا قىلمىستىق ءىس قوزعالعان. تەرگەۋدى ارنايى پروكۋرورلار جۇرگىزىپ جاتىر.

2 ناۋرىزدا ءدامحانا يەسى ۇستالعان. ءقازىر تەرگەۋ جۇرگىزىلىپ جاتىر. ءىستىڭ تەرگەلۋ بارىسى باس پروكۋراتۋرانىڭ باقىلاۋىندا.

ەسكە سالايىق، بۇعان دەيىن ششۋچينسك قالاسىندا بەس قاباتتى تۇرعىن ۇيگە تىركەلگەن ءبىر قاباتتى ءدامحانادا گاز اۋا قوسپاسى جارىلىپ، ءورت شىقتى. سالدارىنان توعىز ادام كوز جۇمىپ، بىرنەشە ادام زارداپ شەكتى.

جارىلىستان قازا تاپقانداردىڭ وتباسىنا 2 ملن تەڭگەدەن بەرىلەدى. 

سونىمەن قاتار،قازا تاپقانداردىڭ وتباسىلارىنىڭ نەسيەسى وتەلەدى.