2025 jyly Qazaqstan 77,6 mln AQSH dollary kóleminde 10 954 tonna gúl men gúl búrshigin ımporttaǵan. 2024 jyly ımport kólemi budan 1,4 myń tonnaǵa artyq bolǵan. Bul týraly QR SJRA Ulttyq statısıka búrosy málimdedi, dep habarlaıdy Dalanews.kz.
Gúlderdiń negizgi jetkizýshisi – Ekvador. Jalpy ımporttalǵan gúl kóleminiń 41,9% nemese 4 586 tonnasy osy elden jetkizilgen.
Sondaı-aq iri kólemde gúlder kelesi elderden ákelinedi:
• Qytaı – 2 678 tonna
• Nıderland – 1 702 tonna
• Kolýmbıa – 778 tonna
• Kenıa – 739 tonna
Jalpy ótken jyly gúlder álemniń 45 elinen jetkizildi. Qazaqstanǵa negizinen raýshan gúlderi ımporttalǵan – 6 219 tonna.
