Astanada Dúniejúzilik densaýlyq saqtaý uiymynyń ulttyq dárilik zattar men meditsinalyq buiymdar ainalymyn retteý júiesin baǵalaý missiiasy aiaqtaldy, dep habarlaidy Dala news.
Aýdit Globaldyq benchmarking quraly (Global Benchmarking Tool) boiynsha júrgizildi. Bul – retteýshi organdardyń jetilý deńgeiin halyqaralyq standarttarǵa sáikes obektivti baǵalaýǵa múmkindik beretin ádisteme. Protsedýra ulttyq retteý júiesiniń turaqtylyǵy men tiimdiligin halyqaralyq deńgeide moiyndatýdyń mańyzdy kezeńi retinde qarastyrylady.
Baǵalaý barysynda retteýshi organnyń negizgi fýnktsiialary qamtyldy. Atap aitqanda:
•júieni jalpy basqarý,
•dárilik zattardy tirkeý jáne naryqqa jiberý,
•farmakologiialyq qadaǵalaý,
•naryqtyq baqylaý,
•litsenziialaý jáne inspektsiialyq qyzmet,
•zerthanalyq zertteýler,
•klinikalyq synaqtarǵa baqylaý.
Missiia qorytyndysy boiynsha sarapshylar retteý júiesiniń damýynda eleýli ilgerileý baryn, sapa men qaýipsizdikti qamtamasyz etýde zamanaýi tásilderdiń engizilgenin, sondai-aq protsesterdiń dáiekti tsifrlandyrylyp jatqanyn atap ótti.
Jabylý rásiminde QR Densaýlyq saqtaý ministri Aqmaral Álnazarova dárilik zattardyń sapasy, qaýipsizdigi men tiimdiligin qamtamasyz etý memlekettik saiasattyń basym baǵyty bolyp qala beretinin aitty.
Onyń sózinshe, zamanaýi ári ashyq retteý júiesin qalyptastyrý patsientter men meditsina qaýymdastyǵynyń múddesin qorǵaýǵa baǵyttalǵan.
Missiianyń resmi nátijeleri men ulttyq retteý júiesin odan ári damytýǵa arnalǵan usynystar qamtylǵan qorytyndy esep Jenevadaǵy DDU jahandyq keńsesinde qaralǵannan keiin jariialanady.
