Shymkent qalasynyń politsiia departamenti adam ómiri men densaýlyǵyna qaýip tóndiretin zattardyń zańsyz ainalymyna qarsy júieli sharalar qabyldap jatyr, dep habarlaidy Dala news.
Ishki ister ministerstvosynyń málimetinshe, jyl basynan beri qala aýmaǵynda «kúldirgish gaz» retinde belgili azot totyǵyn (zakis azota) zańsyz satýmen ainalysqan 10 oiyn-saýyq orny anyqtalǵan. Olardyń zańsyz qyzmeti toqtatyldy.
Tekserý barysynda quramynda aǵzaǵa keri áser etetin kúshti áseri bar zat bar 417 ballon tárkilendi.
Atalǵan faktiler boiynsha sotqa deiingi tergep-tekserý amaldary bastaldy.
Politsiia qoldanystaǵy zańnamaǵa sáikes kúshti áser etetin zattardy, sonyń ishinde azot totyǵyn zańsyz ainalymǵa shyǵarǵany úshin qylmystyq jaýapkershilik qarastyrylǵanyn eskertti.
