Pavlodar oblysynda kámeletke tolmaǵanǵa qatysty zorlyq jasaǵan er adam 16 jylǵa bas bostandyǵynan aiyryldy, dep habarlaidy Dala news.
Pavlodar oblysynyń mamandandyrylǵan aýdanaralyq qylmystyq soty (SMÝS) kámeletke tolmaǵanǵa kúsh qoldaný arqyly zorlaý faktisi boiynsha qylmystyq isti qarady (QR QK 120-baby 3-1-bóligi 1-tarmaǵy).
Is jabyq sot otyrysynda qaralǵandyqtan, zań talaptaryna sáikes oqiǵanyń mán-jaiy jariia etilmeidi.
Atalǵan baptyń sanktsiiasy 15 jyldan 17 jylǵa deiin bas bostandyǵynan aiyrý jazasyn kózdeidi. Sottalýshynyń kinási kámeletke tolmaǵan jábirlenýshiniń, onyń zańdy ókiliniń, kýálardyń aiǵaqtarymen jáne saraptamalar qorytyndylarymen dáleldengen.
Jeńildetetin mán-jai retinde sottalýshynyń buryn sottalmaǵany tanyldy. Al qylmystyń alkogoldik mas kúide jasalýy aýyrlatatyn mán-jai retinde esepke alyndy.
Sot úkimimen Sh. kináli dep tanylyp, 16 jyl merzimge bas bostandyǵynan aiyryldy. Sonymen qatar oǵan ómir boiyna pedagogikalyq qyzmetpen jáne kámeletke tolmaǵandarmen jumys isteýge bailanysty laýazymdardy atqarýǵa tyiym salyndy. Jazasyn ol qylmystyq-atqarý júiesiniń ortasha qaýipsizdik mekemesinde óteidi.
Úkim zańdy kúshine engen joq.
