پاۆلودار وبلىسىندا كامەلەتكە تولماعانعا قاتىستى زورلىق جاساعان ەر ادام 16 جىلعا باس بوستاندىعىنان ايىرىلدى، دەپ حابارلايدى Dala news.

پاۆلودار وبلىسىنىڭ مامانداندىرىلعان اۋدانارالىق قىلمىستىق سوتى (سمۋس) كامەلەتكە تولماعانعا كۇش قولدانۋ ارقىلى زورلاۋ فاكتىسى بويىنشا قىلمىستىق ءىستى قارادى (ق ر قك 120-بابى 3-1-بولىگى 1-تارماعى).

ءىس جابىق سوت وتىرىسىندا قارالعاندىقتان، زاڭ تالاپتارىنا سايكەس وقيعانىڭ ءمان-جايى جاريا ەتىلمەيدى.

اتالعان باپتىڭ سانكسياسى 15 جىلدان 17 جىلعا دەيىن باس بوستاندىعىنان ايىرۋ جازاسىن كوزدەيدى. سوتتالۋشىنىڭ كىناسى كامەلەتكە تولماعان جابىرلەنۋشىنىڭ، ونىڭ زاڭدى وكىلىنىڭ، كۋالاردىڭ ايعاقتارىمەن جانە ساراپتامالار قورىتىندىلارىمەن دالەلدەنگەن.

جەڭىلدەتەتىن ءمان-جاي رەتىندە سوتتالۋشىنىڭ بۇرىن سوتتالماعانى تانىلدى. ال قىلمىستىڭ الكوگولدىك ماس كۇيدە جاسالۋى اۋىرلاتاتىن ءمان-جاي رەتىندە ەسەپكە الىندى.

سوت ۇكىمىمەن ش. كىنالى دەپ تانىلىپ، 16 جىل مەرزىمگە باس بوستاندىعىنان ايىرىلدى. سونىمەن قاتار وعان ءومىر بويىنا پەداگوگيكالىق قىزمەتپەن جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋعا تىيىم سالىندى. جازاسىن ول قىلمىستىق-اتقارۋ جۇيەسىنىڭ ورتاشا قاۋىپسىزدىك مەكەمەسىندە وتەيدى.

ۇكىم زاڭدى كۇشىنە ەنگەن جوق.